COVID-19, HEADLINE, SAÚDE

COVID-19: kazu rekuperadu na’in-ida no ativu 14

COVID-19: kazu rekuperadu na’in-ida no ativu 14

Pesoál saúde prepara hela Vasina AstraZeneca iha sentru vasinasaun, kuarta (18/11). Imajen TATOLI/António Gonçalves

DILI, 11 abríl 2022 (TATOLI)— Ministériu Saúde relata kazu detetadu pozitivu foun laiha, rekuperadu ida no kazu ativu 14.

“Ohin kazu detetadu foun   laiha, rekuperadu ida no kazu ativu 14,” hateten Diretora Jerál Prestasaun Saúde Odete da Silva Viegas  liuhosi nota ne’ebé Agência TATOLI asesu, segunda ne’e. 

Nune’e, hahú 21 marsu 2020 to’o 11 abríl 2022  iha kumulativu kazu konfirmadu 22.842 no óbitu 130.

Hosi horisehik mai ohin, Laboratóriu Nasionál Saúde halo teste PCR  21, kompostu vijilánsia sentinela laiha, rastreiu ba kontaku laiha, rastreiu aleatóriu laiha, viájen internasionál 21, follow up iha kuarentena laiha

Alende ne’e, totál teste PCR ne’ebé halo iha loron 10 abríl 2022  iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) hamutukk 45, kompostu hosi Maubisse laiha, Maliana   laiha, Viqueque tolu, Suai haat,  Baucau laiha,  Ermera laiha, RAEOA haat, HNGV  37, Lautém laiha, Vera Cruz laiha no Manufahi laiha.

Populasaun elijível tinan 18 ba leten, ne’ebé simu ona vasina to’o iha loron 11 abril 2022  , tuir sistema informasaun Saúde iha Ministériu Saúde, hanesan kumulativu 1ª doze iha Dili (89,6%) no kumulativu 2ª doze iha Dili (84,2%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 86,2% no simu ona doze daruak 73,2%.

Hosi insidénsia COVID-19 iha Timor-Leste, durante loron hitu ikus maka 0,1/100 mil abitante.

Iha loron  11 abril  2022 , izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu laiha no baixa ho COVID-19 laiha.

Notísia Relevante: COVID-19: kazu detetadu pozitivu na’in-neen no ativu 15

Jornalista: Felicidade Ximenes

Editór       : Florencio Miranda Ximenes

iklan
iklan

Leave a Reply

iklan
error: Content is protected !!