DILI, 12 abril 2022 (TATOLI)—Sekretaria Estadu Formasaun Profisionál no Empregu (SEFOPE) iha trimester dahuluk (janeiru to’o marsu) ezekuta ona Orsamentu Jerál Estadu (OJE) 2022 atinje ona 22% ne’ebé ekivalente ho $839.741,83, hosi totál aloksaun $4.815.221.
“Ba trimestre dahuluk orsamentu ne’ebé seidauk ezekuta mak transferénsia públika tanba parte ne’e bainhira atu ezekuta bazeia ba proposta ne’ebé submete mai hosi sentru formasaun no hosi programa SEFOPE, ne’ebé bolu auto empregu, maibé to’o agora komisaun ba avaliasaun proposta seidauk avalia proposta sira tanba sei halo asesmentu, nune’e ezekusaun ne’e sei mamuk,” Diretór Nasionál Administrasaun Finansa SEFOPE, Bento de Jesus, hateten ba Agência TATOLI iha ninia knaar fatin, Caicoli.
Notísia relevante: PN aprova OJE 2022 millaun $4,8 ba SEFOPE
Prosesu ezekusaun OJE, bainhira proposta iha no hetan aprovasaun hosi komisaun, iha ona kontratu entre SEFOPE ho Grupu auto empregu no sentru formasaun.
Nune’e, obrigasaun $174.707,35, kompromisu $51.561,07, no totál $3.749.210,74.
Alokasaun ba kategoria saláriu no vensimentu hamutuk $1.952.772 ezekuta ona 529.121,62 (27%), bens no servisu $1.840.139 ezekuta ona $310.620,22 (12%) no transferénsia públika $1.013.310 (0%), kapitál dezenvolvimentu no kapitál menór laiha alokasaun.
Jornalista : Arminda Fonseca
Editora : Julia Chatarina
