ELEISAUN, HEADLINE, MUNISÍPIU, NASIONÁL, SEGURANSA, VIQUEQUE

PNTL la rejista krime iha Viqueque durante kampaña segunda volta

PNTL la rejista krime iha Viqueque durante kampaña segunda volta

Komandante PNTL munisípiu Viqueque, Superintendente Polísia Sebastião Alves Quintão. Imajen TATOLI/Vitorino Lopes da Costa

VIQUEQUE, 13 abril 2022 (TATOLI)–Komandante Polísia Nasionál Timor-Leste (PNTL) munisípiu Viqueque, Superintendente Polísia Sebastião Alves Quintão, informa, durante kampaña prezidensiál segunda volta hahú loron 02 to’o 13 abril, la rejista krime ruma.

“Ita la rejista kazu ruma tanba iha kolaborasaun entre líder hotu, liuliu partidu sira ne’ebé kontribui tebes ba Komandu PNTL munisípiu Viqueque ninia serbisu,” Sebastião Alves hateten ba Agência TATOLI, iha ninia knaar fatin, kuarta ne’e.

Daudaun situasaun iha Viqueque la’o hakmatek no PNTL fiar katak líder no kuadru partidu sei kontinua mantein disiplina hodi kontribui ba estabilidade to’o rezultadu eleisaun.

“Ami hetan oráriu hosi Komisaun Nasionál Eleisaun (CNE, sigla portugés) ba kampaña ne’ebé realiza iha Viqueque hodi destaka ha’u-nia membru ba fatin ne’ebé realiza atividade hodi asegura establidade,” nia akresenta.

Notísia relevante: PNTL Viqueque fó seguransa másima durante kampaña segunda volta

Tuir Superintendente Polísia, maski rekursu menus, maibé presiza kontribuisaun líder partidu no responsável ba atividade kampaña.

Membru Polísia ne’ebé destaka iha Viqueque hamutuk 42 no daudaun ne’e sei hala’o serbisu hodi asegura situasaun.

Joranlista : Vitorino Lopes da Costa

Editora     : Julia Chatarina

iklan
iklan

Leave a Reply

iklan
error: Content is protected !!