iklan

NASIONÁL, ELEISAUN, HEADLINE, POLÍTIKA

STAE rekoñese mosu karimbu eleisaun 2018 iha sentru votasaun Osuhuna

STAE rekoñese mosu karimbu eleisaun 2018 iha sentru votasaun Osuhuna

Diretór STAE, Acilino manuel Branco, bainhira hala’o distribuisaun buletin votu no materiál sensitivu eleisaun segunda volta iha STAE, kuarta (13 abril 2022). Imajen Tatoli/Antonio Daciparu.

DILI, 19 abríl 2022 (TATOLI)-Diretór Jerál Sekretariadu Tékniku Administrasaun Eleitorál (STAE), Acilino Manuel Branco, rekoñese mosu duni karimbu eleisaun tinan 2018 nian iha sentru votasaun Osuhuna, postu administrativu Baguia, munisípiu Baukau bainhira ofisiál eleitorál sira verifika filafali materiál sira molok realiza votasaun iha sentru votasaun refere.

“Informasaun no fotografia sira ne’ebé espalla loos maibé la’ós hothotu, iha territóriu nasionál sentu votasaun hamutuk 1.191. Akontesementu ne’e akontese iha sentru votasaun Osohuna, postu administrativu Baguia, muníspiu Baukau”, Diretór Jerál ne’e informa ba Agência TATOLI, iha edifísiu STAE, Kaikoli, tersa ne’e.

Responsável ne’e esplika, normalmente liuhosi prosesu naruk molok utiliza materiál sira ne’e.

“Entaun iha munisípiu halo ona verifikasaun, pakote materiál to’o iha sentru sira, dader brigada sira entrega ba ofisiál eleitorál atu identifika materiál sira maka haree katak iha ne’ebá iha fali karimbu ida ba eleisaun 2018 nian, tanba ami-nia orientasaun ba sira molok utiliza tenki verifika fila fali no identifika filafali no teste filafali, depois sira teste iha surat tahan haree katak ida karimbu ne’e 2018 nian maibé seidauk utiliza ba votasaun entaun komunika kedas ba iha STAE munisipál no ha’u rasik orienta kedas ba iha STAE munisípiu no sira transporta kedas ba utiliza hodi halo votasaun no normal tuir prosedimentu ne’ebé mak iha hanesan mós sentru votasaun sira seluk”, Acilino esplika.

Diretór Jerál ne’e afirma, jeralmente eleisaun prezidensiál 2022 ba segunda volta iha territóriu nasionál no diaspora la’o di’ak.

STAE rejista 859.613 eleitór elejível iha territóriu nasionál no diáspora, 852.500 rejista iha nivel nasionál no 7.113 iha estranjeiru.

Notísia relevante:STAE Baucau simu ona materiál eleisaun prezidensiál volta daruak

Jornalista : Antónia Gusmão

Editora     : Rita Almeida

iklan
iklan

Leave a Reply

iklan
error: Content is protected !!