iklan

COVALIMA, SEGURANSA

Eleisaun segunda volta: la’ós Ramos Horta maibé povu TL mak manán

Eleisaun segunda volta: la’ós Ramos Horta maibé povu TL mak manán

Administradór Munisípiu Covalima, Francisco de Andrade. Imajen Tatoli/Celestina Teles.

COVALIMA, 21 abril 2022 (TATOLI)—Administradór Munisípiu Covalima, Francisco de Andrade, enkoraja komunidade atu matein nafatin pás no estabilidade tanba maske eleisaun prezidensiál segunda volta ne’e ninia rezultadu la’ós Ramos Horta mak manán maibé povu Timor-Leste mak manán.

Notísia Relevante: STAE Covalima transporta ona rezultadu apuramentu ba nasionál

“Eleisaun ida-ne’e laiha ida mak lakon maibé bazea ba rezultadu kandidatu na’in-ida mak sai vensedór ne’e sai ita hotu nia prezidente. Ita hotu timor-oan iha kolaborasaun nafatin ita tenke unidade hodi kria pás no estabilidade iha Covalima nomós iha Timor-Leste,” Francisco de Andrade hato’o ba jornalista sira, iha Kampung Baru, kinta ne’e 

Nia husu ba povu Covalima tenke mantein pás no estabilidade hanesan hatudu iha eleisaun prezidensiál segunda volta ne’ebé la’o ho seguru no sesesu, tanba iha tinan 2023 mai ne’e sei nafatin hanesan tinan polítka ne’ebé sei realiza tan eleisaun parlamentár.

Durante realiza eleisaun segundu volta iha Covalima ne’e la’o ho susesu kompara ho munisípiu seluk, tanba esforsu hosi autoridade munisipál no autóridade lokál sira hotu hodi kumpre paktu unidade nasionál ne’ebè kandidatu Prezidente Repúblika sira asina iha CNE Covalima. 

“Ba oin ita-nia estabilidade, pás no tranquilidade la’o atu povu Covalima bele iha unidade,” nia dehan.

Antes ne’e, Komisaun Nasionàl Eleisaun (CNE, sigla portugés) realiza serimonia asina paktu unidade nasionál iha loron 23 fevereiru 2022, ho objetivu atu hametin pás no estabilidade iha Covalima, nune´e iha períodu kampaña eleitorál no eleisaun bele la´o ho armonia.

Komisaun Nasionál Eleisaun haktuir atribuisaun kompeténsia ne’ebé mai hosi artigu 65, Konstituisaun RDTL prevee iha pontu 2, artigu 11, Lei nú 7/2016, Lei ba Orgaun Administrasaun Eleitorál hateten Estrutura Orgánika sekretariadu permanente CNE nian sei aprova tuir Lei, no pontu 3 hosi artigu lei refere hateten CNE mak sei elabora no aprova rejimentu ba ninia sesaun plenária sira, ne’ebé tenke publika iha Série II do Jornal da Repúblika.

Jornalista : Celestina Teles

Editór       : Cancio Ximenes 

iklan
iklan

Leave a Reply

iklan
error: Content is protected !!