ELEISAUN, HEADLINE, MUNISÍPIU, NASIONÁL, SEGURANSA, VIQUEQUE

PNTL sei prosesa krime eleitorál iha Uatulari ba MP

PNTL sei prosesa krime eleitorál iha Uatulari ba MP

Komadante PNTL, Superintendenti Polísia, Sebastião Alves Quintão. Imajen Tatoli/Vitorino Lopes da Costa

VIQUEQUE, 21 abril 2022 (TATOLI)—Polísia Nasionál Timor-Leste (PNTL) munisípiu Viqueque sei prosesa kazu krime eleitorál iha postu administrativu Uatulari ba Ministériu Públiku (MP).

“Problema ne’ebé akontese iha sentru votasaun Maluru Komu, suku Makadique, postu  Uatulari, munisípiu Viqueque, ita konsege detein joven na’in-rua hatama ba sela. Depois ida-ne’e ita sei kontinua prosesa kazu nqe’e  ba Ministériu Públiku,” Komadante PNTL, Superintendenti Polísia,  Sebastião Alves Quintão, hateten ba Agência TATOLI, iha ninia knaar fatin, kinta ne’e.

Notísia relevante: PNTL detein sidadaun nain rua disturbu prosesu apuramentu iha Makadique

Kazu ida iha sentru votasaun Buanurak, postu Ossu, munisípiu Viqueque.

“Maibé ida-ne’e la halo perturbasaun, sira lori buat kroat halai tama ba sentru votasaun laran no ami konsege halo atuasaun. Daudaun ami prosesa hela kazu sira-ne’e,” nia akresenta.

Nune’e, hafoin detein 12 horas, Polísia sei aprezenta dokumentu hotu ba MP hodi kontinua prosesu.

“Maski eleisaun segunda volta ramata ona, husu ba komunidade atu kontribui estabilidade iha munisípiu Viqueque,” nia akresenta.

Enkuantu, iha eleisaun prezidensiál ba períodu 2022-2027 segunda volta ne’e, PNTL munisípiu Viqueque rejista kazu rua ne’ebé mosu iha sentru votasaun rua.

Jornalista : Vitorino Lopes da Costa

Editora     : Julia Chatarina

iklan
iklan

Leave a Reply

iklan
error: Content is protected !!