iklan

NASIONÁL, HEADLINE, SEGURANSA

PNTL-TLPDP sei re-dezeña planu estratéjiku dezenvolve PNTL

PNTL-TLPDP sei re-dezeña planu estratéjiku dezenvolve PNTL

PNTL ho TLPDP hala'o seminariu kona-ba auditoria ba Instituisaun PNTL ne'ebe halao iha Timor-Plaza Dili, Imajen/TATOLI,Natalino da Costa.

DILI, 25 abríl 2022 (TATOLI)-Polisia Nasionál Timor-Leste no Police Development Programe (TLPDP, sigla inglés), segunda ne’e, realiza semináriu ida hodi halo auditoria kona-ba kooperasaun servisu ne’ebé maka durante ne’e parte rua estabelese ona, nune’e bele re-dezeña planu estratéjiku ba periodu 2023-2027.

“Dala barak ema dehan auditória ne’e buat ladiak, maibé liuhosi auditoria ida ne’e, maka ita bele haree hamutuk oinsá re-dezeña planu estratejiku PNTL oinsá atu dezemvolve instituisaun PNTL liu-liu ba iha área jeneiru nian,”Komandante Jerál PNTL, Komisariu Faustino da Costa, hateten ba jornalista sira iha Timor-Plaza Dili.

Notísia Relevante :PNTL ho TLPDP ko’alia koordenasaun programa servisu 2020-2026

Tuir nia durante ne’e, Polisia Nasionál Timor-Leste hetan apoiu husi TLPDP intermuz finanseira no kapasitasaun rekursu umanu hodi dezenvolve instituisaun Polisia Nasionál Timor-Leste ho di’ak liután.

Iha fatin hanesan Xefe Gabinete Jeneiru PNTL, Superintendente Julia da Gama, relata  TLPD durante ne’e fó apoiu finanseira ba Gabinete Jeneiru PNTL hodi kombate violénsia doméstika, violasaun seksuál, asedu seksuál hasoru feto no labarik  iha Timor-Leste.

Entretantu, Xefe TLPDP iha Timor-Leste, Darren Booy, dehan semináriu ne’e atu halo auditoria ba dezafiu no progresu husi rezultadu estabelesimentu kooperasaun ne’ebé maka parte rua estabelese ona antes ne’e.

“Nune’e ba oin ba  ida ne’ebe nesesita ita bele tau iha planu estratéjiku PNTL nian, nune’e hamutuk dezemvolve PNTL ho d’ak liután,” dehan Nia.

Entretantu, tuir dadus iha fulan-juñu 2021, TLPDP apoiu komputadór 10 ho mákina impresora-fotokopia, no mós meza no kadeira hamutuk 25.

Nune’e, iha fulan-janeiru 2020 TLPDP apoiu formasaun lian inglés ba membru polisia Unidade Espesiál (UEP) hamutuk ema na’in-24.

Iha tinan 2019, Timor-Leste Police Development Programe apoiu orsamentu rihun $ 30 hodi hari’I uma Unidade Pesoál Vulneravel kompleta ho fasilidade servisu nian ho Komputadór 8, meza-kadeira no mós apoiu sira seluk tan.

Notísia Relevante :PNTL agradese TLPDP ne’ebé apoia komputadór sanulu

Jornalista: Natalino Costa

Editór : Agapito dos Santos

iklan
iklan

Leave a Reply

iklan
error: Content is protected !!