DILI, 25 abril 2022 (TATOLI)—Governu Timor-Leste no Millennium Challege Corporation (MCC) hosi Estadu Unidu Amérika konklui negosiasaun apoiu orsamentu millaun $420.
“Apoiu ne’e hodi finansia projetu água no sanemanetu, sistema esgotu ho lixu líkidu sira atu bele kanaliza ba fatin tratamentu molok soe ba tasi, inklui mós ho sistema dreinajen,” Ministru Prezidénsia Konsellu Ministru, Fidelis Manuel Leite Mangalhães, hateten, iha Motael, segunda ne’e.
Notísia relevante: Ministru Fidelis lidera delegasaun Timor-Leste negosia programa MCC ho EUA
Ministru hateten, projetu ne’e sei benefisia maioria populasaun iha munisípiu Dili, ne’ebé hosi orsamentu millaun $420, sei halo konstrusaun Centro de Excelência ho kustu milliaun $40, hodi treinu profesór sira iha ensinu sekundáriu sira.
“Ida-ne’e importante, tanba profesór sira mak sei prepara timor-oan sira ba futuru nasaun,” nia akresenta.
Jornalista : Arminda Fonseca
Editora : Julia Chatarina
