ERMERA, HEADLINE, MUNISÍPIU, POLÍTIKA

MAPKOMS hala’o diálogu ho komunidade Hatulia

MAPKOMS hala’o diálogu ho komunidade Hatulia

Ministru Asuntu Parlamentár no Komunikasaun Sosiál, Francisco Jerónimo. Imajen TATOLI/Francisco Sony.

DILI, 01 maiu 2022 (TATOLI) – Ministru ba Asuntu Parlamentár no Komunikasaun Sosiál (MAPKOMS), Francisco Martins da Costa Pereira Jerónimo, sabádu ne’e hala’o diálogu ho komunidade Postu Administrativu Hatulia, Munisípiu Ermera, iha ámbitu programa “Governu iha povu nia le’et,” Naroman ba suku.

komunikadu imprensa ne’ebé Agência Tatoli asesu ne’e haktuir, Administradór Postu Hatulia, Luís Manuel, sente kontente no agradese ba MAPKOMS, tanba maske ho kondisaun estrada ne’ebé ladún di’ak, MAPKOMS konsege hamutuk ho membru Governu no kargu xefia ministériu ni’an bele esforsu to’o iha Postu Administrativu Hatulia, hodi rona rasik povu nia lian.

Iha intervensaun, Ministru ba Asuntus Parlamentár no Komunikasaun Sosiál (MAPKOMS), Francisco Jerónimo, hateten tanba sá presiza iha diálogu hamutuk ho komunidade sira iha fatin hotu, tanba iha programa VIII Governu Konstitusionál iha polítika ida kona-ba “Liberdade Espresaun,” signifika katak Governu tenke besik liu ba komunidade sira, hodi rona direita espresaun povu ni’an relasiona ho preukupasaun moris loron-loron, tantu iha asuntu ekonomia, infraestrutura, saúde, no seluk tan.

Nune’e, Governu bele reprezenta povu nia lian hodi halo mudansa no dezenvolvimentu iha setór sira hotu. Aleinde ida ne’e, oinsá maka informasaun husi área rurál sira, bele fó sai liuhosi kanál mídia sira, ne’ebé Governu estabelese ona.

Jornalista   : Nelia Fernandes
Editór         : Evaristo Soares Martins

iklan
iklan

Leave a Reply

iklan
error: Content is protected !!