MANATUTO, 06 maiu 2022 (TATOLI)–Autoridade nasionál pétroleu no minerál (ANPM) hamutuk ho kompaña, lia-na’in no komunidade Aldeia Ilimanu, Suku Uma-kaduak, Postu administrativu Láclo, munisípiu Manatuto, iha sesta ne’e, realiza seremonia rituál hodi husu lisensa ba natureza hodi halo peskiza ba bloku rua iha Ilimanu nune’e bele esplora no halo produsaun ba mármore iha futuru.
Prezidente ANPM, Florentino Soares Fereira, informa maske antes ne’e iha dezentendimentu uituan nune’e prejudika ba implementasaun projetu no peskiza iha fatin ne’e, maibé liuhusi prosesu naruk autoridade ho kompaña no komunidade iha ona entendimentu ba malu nune’e loke dalan hodi husu lisensa no bele hahú ona halo peskiza no estudu hodi halo produsaun iha futuru.
Produsaun Tatoli I.P©2022
