MS-WFP lansa distribuisaun ai-han riku vitamina no minerál ba grupu vunerável

METINARO, 11 maiu 2022 (TATOLI)—Ministériu Saúde (MS) hamutuk ho Programa Ai-han Mundiál (PAM, sigla inglés), kuarta ne’e, distribui Super Cereal, ai-han fortifikadu riku ho vitamina no minerál ba grupu vulnerável sira ne’ebé sofre má nutrisaun iha Postu Administrativu Metinaro, munisípiu Dili.

Super Cereal hamutuk tonelada 535 mak sosa ho fundu husi kontribuisaun Governu Xina no sei distribui ba inan isin-rua no inan fó susu iha munisípiu 13, inklui Rejiaun Espesiál Administrativa Oé-cusse no Ambeno (RAEOA).

Distribuisaun suplementu refere sei la’o durante períodu fulan-haat nia laran no ho apoia fundu ne’ebé iha asegura tiha ona ai-han suplementu refere ba períodu tinan ida.

Produsaun Tatoli I.P©2022