EKONOMIA, HEADLINE

MTKI no AEMTL koordena lansa turizmu patrimóniu kulturál

MTKI no AEMTL koordena lansa turizmu patrimóniu kulturál

Presidente Asosiasaun Emprezariál Mulher Timor-Leste (AEMTL), Hergui Luina Fernandes Alves. Imajen Tatoli/Francisco Sony

DILI, 11 maiu 2022 (TATOLI)—Ministériu Turizmu Komérsiu no Indústria (MTKI) hamutuk ho Asosiasaun Emprezariál Feto Timor-Leste (AEMTL, sigla portugés), tersa (10/05) ne’e, hala’o enkontru hodi ko’alia kona-ba kooperasaun no koordena lansa turizmu patrimóniu kulturál iha juñu tinan ne’e.

Enkontru ne’e partisipa hosi Vise-Ministra Turizmu Komunitária Kultural, Inácia da Conceição Teixeira no Prezidente AEMTL, Hergui Luina Fernandes Alves inklui ekipa sira.

“Objetivu prinsipál hosi eventu lansamentu turizmu patrimóniu kulturál iha Timor-Leste atu envolve no aumenta partisipasaun feto sira iha atividade setór turizmu iha Timor-Leste hodi kria konseitu foun ida kona-ba turizmu bazeia ba abut kulturál únika hanesan fatór prinsipál atu prezerva, proteje no dezenvolve patrimóniu eto-kulturál Timor-Leste iha dalan turizmu mundiál, hanesan akontese ona iha Europa, Ázia Pasífiku no seluk tan,” Prezidente AEMTL  esplika liuhosi nota ne’ebé Agência Tatoli asesu, kuarta ne’e.

Notísia relevante: Autoridade Viqueque realiza seremónia kulturál no misa molok lansa Muzeu Rezisténsia

Iha biban hanesan, Vise-Ministra Turizmu Komunitária Kultural, Inácia da Conceição Teixeira agradese ba AEMTL nia programa ne’ebé di’ak hodi promove maluk feto sira-nia kreatividade iha área turizmu kulturál nian.

“Ita espera katak liuhosi kooperasaun ida-ne’e sei serbisu hamutuk hodi dezenvolve di’ak liután turizmu iha Timor-Leste, liuliu turizmu kulturál,” nia akresenta.

Jornalista : Arminda Fonseca

Editora     : Julia Chatarina

iklan
iklan

Leave a Reply

iklan
error: Content is protected !!