HNGV rekolla reseita $99,830.24 iha trimestre dahuluk
DILI,13 marsu 2022 (TATOLI)— Diretór Administrasaun Finansa no Lojistíka iha Hospitál Nasionál Guido Valadares (HNGV), Raul Humberto Gam, informa hahú janeiru too marsu 2022 konsege rekolla reseita hamutuk $99,803.24 ba kofre Estadu.
HNGV rekolla reseita ne’e hosi pasiente estrajeiru no Timor-oan ne’ebé mak halo operasaun no check up inklui baixa iha sala VIP. Nune’e hosi totál reseita $99.830.24, kompostu hosi fulan janeiru $42,719.45, fevereiru $33,267.50 no marsu $23,816.29.
“Ema estarnjeiru ne’ebé mai halo tratamentu iha HNGV ho osan ne’ebé sira selu mai iha ospitál durante fulan tolu hamutuk $ 20,381.10 no Timoroan ne’ebé baixa sala VIP hamutuk $79,492,” Diretór Raul Humberto, hateten ba Agência TATOLI iha knar fatin-Bidau, sesta ne’e.
Reseita hirak ne’e rekolla hosi fonte Departamentu Atestadu médiku,vasina amarela, aluga fatin sentru matan, sentru matan nasionál, pediatria, konoloskopia, bloku operasaun, radiografia, servisu ambulatóriu, maternidade, banku urjénsia, sala VIP, fisioterapia,odentolojia, medisina internál, unidade medical checkup, NIFAS, konsulta fuan, unidade urjÉnsia, unidade mortuáriu, hemodialisa no acute care.
Notísia relevante:Janeiru too marsu, LABNAS rekolla reseita $55,257
Jornalista : Felicidade Ximenes
Editór : Florencio Miranda Ximenes
