COVALIMA, 16 maiu 2022 (TATOLI)-Prezidente Komisaun Organizadora,Francisco de Jesus Alves informa, atu selebra loron retaurasaun independénsia Timor-Leste ba dala-XX (20 maiu 2022-20maiu 2022), Adminisatrsaun Munisípiu Covalima prevee orsamentu $12,739.00.
“Autoridade Munisípiu Covalima prevee orsamentu $12,739.00 ne’e, atu realiza atividade iha Covalima, la inklui aloka orsamentu ba postu adminstrativu sira. Kada tinan ita aloka hanesan baibain, ne’ebé kada postu administrativu prevee $750.00,” Francisco de Jesus Alves informa ba Agência Tatoli iha nia knar fatin Kampung Baru, segunda ne’e
Iha ámbitu atu komemora loron nasionál refere komisaun sira aloka orsamentu ba kada seksaun sira hanesan seksaun sekretáriu komisaun organizadora prevee $848.50, isar-bandeira nasionál $1,704.50, parada formatura $909.00 no lojistika hamutuk $387.00.
Nune’e mós, aloka ba ekipa seksaun liturjia $429.00, limpeza jerál $119.00, seksaun konsumsi $1,040.00, protokolu $203.50, kompetisaun sertame diskursu públiku $952.50, kurrida de cavalo (kuda halai taru) hamtuk $4,717.00, dekorasaun $358.50, seguransa patromóniu $24,50, animasaun kulturál $924.00 no primeiru sokorru $122.00 maibé seksaun mobilizasaun masa la prevee orsamentu.
Jornalista : Celestina Teles
Editór : Cancio Ximenes
