DILI, 19 maiu 2022 (TATOLI)—Ministériu Saúde (MS), relata kazu detetadu pozitivu foun na’in-rua, rekuperadu lima no kazu ativu hitu.
“Ohin kazu detetadu foun rua, rekuperadu lima no kazu ativu hitu,” Diretora Jerál Prestasaun Saúde Odete da Silva Viegas liuhosi nota ne’ebé Agência TATOLI asesu ohin ne’e.
Nune’e, hahú 21 marsu 2020 to’o 19 maiu 2022 iha kumulativu kazu konfirmadu 22.892 no óbitu 131.
Hosi horisehik mai ohin, Laboratóriu Nasionál Saúde halo teste PCR 67, kompostu vijilánsia sentinela rua, rastreiu ba kontaku rua, rastreiu aleatóriu lima, viájen internasionál 58, follow up iha kuarentena laiha.
Alende ne’e, totál teste PCR ne’ebé halo iha 18 maio 2022 iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 75, hanesan Maubisse laiha, Maliana sia, Viqueque laiha, Suai hitu, Baucau laiha, Ermera laiha, RAEOA laiha, HNGV 46, Lautém laiha, Vera Cruz laiha no Manufahi laiha.
Populasaun elijível tinan 18 ba leten, ne’ebé simu ona vasina to’o iha loron 19 maiu 2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (87,0%) no kumulativu 2ª doze iha Dili (82,0%).
Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 85,1% no simu ona doze daruak 72,9%.
Hosi insidénsia COVID-19 iha Timor-Leste, durante loron hitu ikus maka 0,2/100 mil abitante.
Iha loron 19 maiu 2022 , izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu laiha no iha baixa ho COVID-19 laiha.
Notísia Relevante:COVID-19: kazu rekuperadu ida no ativu na’in-10
Jornalista: Felicidade Ximenes
Editór : Florencio Miranda Ximenes
