iklan

EDUKASAUN, COVALIMA

Eskola Bázika Sentrál Beco la asesu bee-moos

Eskola Bázika Sentrál Beco la asesu bee-moos

Jerigen mamuk komunidade Tasitolu nian loron rua ona tuur hela hela tanki beemos neebe governu prepara iha area neeba, Tersa 31/8/2021.Imajen Tatoli/Antonio Goncalves

COVALIMA, 27 maiu 2022 (TATOLI)—Diretór Eskola Bázika Sentrál (EBC, sigla portug’es) Beco, Quintino Quintão, hateten sira-nia Eskola Bázika Sentrál Beco la asesu bee-moos, tanba ne’e estudante sira lori bee hosi uma ba eskola.

“Ami-nia bee posu iha ne’ebé ami uza ba nesesidade loro-loron, maibé iha tempu bailoron bee posu ne’e maran, entaun estudante sira tenke lori bee hosi uma mai iha eskola uza ba nesesidade,” Quintino Qintão informa ba Agência Tatoli, iha nia knar fatin EBC Beco, sesta ne’e.

Eskola uza bee posu ne’e, diretor hamutuk ho profesór hodi hamoos bee posu ne’e iha tinan 2015  maibé sira uza de’it  durante tinan rua, bee ne’e maran entaun hahú iha tinan 2017 estudante sira lori bee hosi uma mai iha eskola..

“Ami haruka estudante- sira lori bee husi uma mai eskola hodi uza ba tein no ense iha haris hahú iha tinan 2017 to’o 2022,” nia hateten.

Nia parte hato’o ona proposta ba Governu no ba sosiedade sivil sira, maibé to’o ohin loron seidauk iha resposta.

Manorin ne’e mós informa estudante ne’ebé eskola iha eskola ne’e rasik estudante hamutuk na’in-254.

Estudante EBC Beco, Maria Osmenia Cardoso, sente triste bainhira loro-loron lori bee hosi uma  ba iha eskola hodi uza tein ba merenda eskolár no ense iha haris fatin.

“Ami estudante lor0-loron na’in-ida lori bee aqua boot ida hodi uza tein ba merenda eskolár no ense ba haris fatin. Tuir lolos, ami ba eskola la’ós atu lori bee maibé ba eskola atu aprende,” nia dehan.

Jornalista : Celestina Teles

Editór       : Cancio Ximenes

 

iklan
iklan

Leave a Reply

iklan
error: Content is protected !!