DILI, 27 MAIU 2022 (TATOLI)—Ministru Prezidensia Konsellu Ministru, Fidelis Manuel Leite Mangalhães ho ekipa, sesta ne’e, hala’o sorumutu ho Prezidente Repúblika, José Ramos Horta, hodi aprezenta prosesu negosiasaun no futuru inplementasaun ba projetu Millennium Challenge Corporation (MCC) iha TL ne’ebé apoiu hosi Governu Estadu Unidu Amérika.
Notisia Relevante: Timor-Leste no MCC konklui negosiasaun apoiu finanseiru milliaun $420
“Dezenvolvimentu kooperasaun MCC hodi ko’alia prosesu no lala’ok sira faze negosiasaun no dezeñu detallu projetu nian. Tanba ne’e, ohin, hau ho ekipa mai halo aprezentasaun ba Prezidente Repúblika fó informasaun kona-ba prosesu tomak relasiona ho negosiasaun no futuru inplementasaun ba inisiativa projeitu MCC nian iha Timor-Leste,” Ministru Fidelis hateten ba jornalista sira hafoin ramata enkontru ho Xefe Estadu iha Palásiu Prezidensiál Nicolau Lobato, Bairru Pite, Dili.
Projetu MCC hetan ona autorizasaun ka aprovasaun hosi sira-nia board government ba proposta investimentu Timor-Leste nian.
“Proposta finansiamentu ne’e ho montante millaun $420 no Timor-Leste millaun $64 hodi finansia projetu bee no sameamentu, trainazen no edukasaun,” nia dehan.
Nune’e, agora tuir mai hein prosesu kongresu Amerikanu hodi hetan autorizasaun ba asinatura
“Bainhira asina ona projetu ne’e durasaun to tinan lima,” nia hateten.
Durante sorumutu ne’e, Prezidente Repúblika, José Ramos Horta, hato’o katak sempre iha atensaun no interese ne’ebé boot ba iha asuntu relasaun internasionál.
Notisia Relevante: PM Taur simu vizita kortezia Prezidente EUA-CEO MCC
Jornalista : Nelson de Sousa
Editór : Cancio Ximenes
