DILI, ERMERA, HEADLINE, MUNISÍPIU, NASIONÁL, POLÍTIKA

SEJD hili Stadium Café Gleno sai sentru treinamentu ba Atletismu

SEJD hili Stadium Café Gleno sai sentru treinamentu ba Atletismu

Sekretáriu Estadu Juventude no Desportu, Abrão Saldanha. Imajen TATOLI/Francisco Sony

DILI, 28 maiu 2022 (TATOLI)–Sekretariadu Estadu Juventude no Desportu (SEJD) hili Stadium Café Gleno ne’ebé lokaliza iha Munisipíu Ermera sai sentru treinamentu ba Atletismu no hanesan mós sede prinsipal ba Federasaun Atletismu Timor-Leste.

“Atletismu ita hare’e atu bele iha sentru ida aproriadu ba treinamentu no ami desidi ona hili stadium Ermera hanesan fatin ba treinamentu atletismu,” Sekretáriu Estadu Juventude no Desportu, Abrão Saldanha hateten iha serimonia Jantar hamutuk ho atleta sira iha restaurante Coffeto Metiaut, sexta ne’e.

Abrão Saldanha esplika, dezisaun ne’ebé governu hili hanesan idei hodi motiva prestasaun desportiva iha rai laran liu-liu iha modalidade atletismu ne’ebé iha tinan ne’e konsege oferese medalia osan mutin rua husi SEA Games (Southeast Asian Games) 2021 iha Vietname.

“Ida ne’e Governu halo hodi motiva prestasaun rai laran. Prestasaun ne’ebé atleta sira hetan fo oportunidade ba Federasaun sira atu bele aumenta utilidade publika,” Nia hateten.

Nia aumenta agora ne’e kompete mak hetan, prestasaun diak Governu sei intensiva tan liu husi utilidade publika no forma oin-oin.

Prezidente Federasaun Atletismu, Afranio Xavier konsidera ideia husi SEJD diak tebes no fó oportunidade ba federasaun hodi desenvolve diak liu tan atleta sira nia potensia.

“Sentru treinamentu ida ne’e ita laos halo ba Ermera oan deit maibé ita sei rekolla foinsa’e potensial husi Timor laran tomak no reforsa husi governu tanbá federasaun mesak sei labele,” dehan Afranio Xavier.

Antes ne’e governu hakarak atu hili Maliana no Baucau maibé dook no Ermera fatin ne’ebé besik liu Dili maibé sede ba federasaun sira bele lokaliza munisipiu ne’ebé deit kuandu fatin iha Dili la sufisiente, atu nune’e desenvolvimentu iha area desportu bele konsentra ba munisipíu hotu.

Maske nune’e Afranio Xavier rekoñese katak dadauk ne’e Stadium Café Gleno seidauk iha fasilidade propriu atletismu nian maibé parte SEJD orienta ona atu halo preparasaun no bele aloka orsamentu hodi kontrui pista atletismu tuir standarte.

Nia esplika, pista atletismu iha Stadium Munisipal Dili mós seidauk tuir standarte no iha future satidum refere sei entrega ba FFTL (Federasaun Futeból Timor-Leste) hodi desenvolve no kontrui hikas tuir Futeból nian.

Jornalista: Cidalia Fátima

Editóra   : Armandina Moniz

iklan
iklan

Leave a Reply

iklan
error: Content is protected !!