iklan

HEADLINE, SEGURANSA

Janeiru too abríl, PNTL rekolla reseita $188,307

Janeiru too abríl, PNTL rekolla reseita $188,307

PNTL munisípiu Dili liuhosi Unidade Seksaun Tránzitu Rodaviáriu hala’o hela pasa revista iha pontu entrada Tasi-tolu, sesta (16/07/21). Imajen Tatoli/António Gonçalves.

DILI, 31 maiu 2022 (TATOLI)— Portavoz Komandu Jerál Polísia Nasionál Timor-Leste (PNTL), Superintendente Xefe, Armando Monteiro, informa hahú hosi fulan-janeiru too abríl, konsege rekolla reseita $188,307 ba kofre Estadu.

“Ita rekolla reseita ne’e ho bazeia ba implementasaun lei númeru 28/2017 kona-ba kontrolu sirkulasaun karreta estrajeiru ne’ebé maka tama iha ita nian territóriu nasionál no polisia tránzitu mós rekolla liuhosi sidadaun sira ne’ebé kontra kódigu Estrada,” Portavóz Komandu Jerál Polísia Nasionál Timor-Leste (PNTL), hateten ba jornalista iha Komandu Jerál PNTL Caicoli,tersa ne’e.

Reseita $188,307 ne’e kompostu hosi sirkulasaun viatura estranjeiru ne’ebé tama territóriu nasionál ne’ebé konsege kobre hamutuk $34,167 no sidadaun ne’ebé kontra kódigu Estrada no konsege selu koima $154,140.

“Ita bo’ot sira hatene iha ita nian fronteira sira ne’e ita nian membru Unidade Patrullamentu Fronteira (UPF) halo mós kontrolu pasa revista bá viatura sira ne’ebé tama mai iha territóriu nasionál ne’e maka ita kontribui  reseita ba kofre Estadu,” nia afirma.

Tuir dadus hosi PNTL iha tinan 2021, kazu asidente tráfegu ne’ebé akontese hahú janeiru too 26 dezembru 2021 hamutuk 1.418, kompostu hosi kanek kamaan 1.528, kanek toda 319 no óbitu 56.

PNTL kompara ho tinan lima ba kotuk ema mate iha estrada hosi na’in-60 too na’in-100, maibé iha tinan 2021, iha deit na’in-20 too na’in-56.

Alende ne’e, PNTL mós kontinua halo operasaun ne’e bazeia ba lei númeru 8/2003, kódigu estrada nian, ne’ebé  Polísia Tránzitu nuudar fiskalizadór hodi kontrola sirkulasaun karreta ho motór governu  nian fora hosi oras servisu no mós sira ne’ebé mak laiha autorizasaun atu uza.

Notísia Relevante: Fulan ne’e, PNTL rejista kazu asidente tráfegu 28 no óbitu na’in-lima

Jornalista : Natalino Costa

Editór        : Florencio Miranda Ximenes

iklan
iklan

Leave a Reply

iklan
error: Content is protected !!