DILI, 01 juñu 2022 (TATOLI)–Governu liuhosi reuniaun Konsellu Ministru (KM), kuarta ne’e, aprova projetu deliberasaun, kona-ba Autorizasaun despeza no autorizasaun hodi loke prosedimentu aprovizionamentu ba adjudikasaun kontratu akizisaun servisu jestaun ezekusaun estratejia ba implementasaun Sistema Identifikadór Úniku (ID Úniku).
Projetu deliberasaun ne’e aprezenta hosi Primeiru-Ministru (PM), Taur Matan Ruak, ne’ebé ho definisaun tipu prosedimentu atu adota no autoriza selebrasaun kompromisu plurianuál relasiona ho ezekusaun kontratu ne’ebé atu adjudika.
“Ho deliberasaun ne’e, Konsellu Ministru deside hodi autoriza abertura prosedimentu aprovizionamentu nian, hosi tipu konkursu públiku internasionál ho valór másimu $13.814.201,” Ministru Prezidénsia Konsellu Ministru, Fidelis Manuel Leite Magalhães, relata hafoin reuniaun ezekutivu, iha auditóriu Ministériu Finansa, Aitarak-laran.
Notísia relevante: TIC Timor, I.P fasilita serbisu RTTL, E.P iha área teknolojia no komunikasaun
Ho aprovasaun ne’e, autoriza mós Ajénsia Teknolojia Informasaun no Komunikasaun, Institutu Públiku hodi (TIC Timor, I.P) atu jere ezekusaun estratejia ba implementasaun sistema Identifikadór Úniku iha rejime plurianuál.
Jornalista : Antónia Gusmão
Editora : Julia Chatarina
