iklan

EKONOMIA, COVALIMA

Autoridade Aduaneira Covalima kontribui reseita $146,823.66 ba kofre Estadu

Autoridade Aduaneira Covalima kontribui reseita $146,823.66 ba kofre Estadu

efe Alfándega Aeroportu Suai, Nuno Nogueira. Imajen TATOLI: Eugénio Pereira

COVALIMA, 02 juñu 2022 (TATOLI)—Diretór Aduaneira Munisípiu Covalima, Nuno Nogueira informa, hahú hosi fulan-janeiru to’o fulan-maiu tinan ne’e, autoridade aduaneira Covalima kontribui reseita $146,823.66 ba kofre Estadu.

“Hahú hosi fulan janeiru to’o maiu ne’e, ita kontribui reseita ho valor ne’ebé boot tanba kontribui ona reseita $146,823.66 ba kofre Estadu, maske ho folin sasan sa’e iha Indonézia maibé ita-nia importadór sira kontinua importa nafatin sasán,” Nuno Nogueira hato’o ba jornalista sira, iha fronteira Salele Covalima, kinta ne’e.

Reseita hirak ne’e, alfandega ka aduaneira kontribui liuhosi taxa importasaun temporariu no permanente hanesan importa nesesidade bázika, taxa pasajeiru sira lori sasán hand care   no taxa entre postu.

Alfandega aplika taxa entre postu ba negosiante sira tanba dirasaun nasionál delega ona kompeténsia ba iha alfandega hodi selu taxa, nune’e hodi bele kontribui reseita ba kofre Estadu.

“Taxa entre postu maske negosiante sira faan iha ita- nia área maibé sira tenke selu taxa iha ne’e. Dirasaun nasionál delega ona kompeténsia ba alfandega hodi bele selu taxa. Ita espera, ba oin movimentu makaas importadór mós hatama sasán makaas, nune’e  ita bele kontribui reseita makaas liután,” nia dehan.

Ho nune’e, alfadega Covalima iha tinan ne’e kontribui reseita makaas liu $146,823.66 ba kofre Estadu, tanba iha tinan kotuk alfandega kontribui reseita hosi postu integradu no importasaun de’it.

Maibé ba tinan 2022, alfandega konstribui reseita makaas ba kofre Estadu tanba taxa sira-ne’e alfandega kontribui liuhosi taxa importansaun temporáriu liuhosi portu Suai Loro no permanente hanesan importa nesesidade bázika, taxa pasajeiru sira lori sasan hand care   no taxa entre postu.

Jornalista : Celestina Teles

Editór      : Cancio Ximenes

iklan
iklan

Leave a Reply

iklan
error: Content is protected !!