iklan

HEADLINE, SAÚDE

Prevene sedu, MS-OMS lansa sentru kankru serviks iha HNGV

Prevene sedu, MS-OMS lansa sentru kankru serviks iha HNGV

Ministra Saúde, Odete Maria Freitas Belo hamutuk Reprezentante Organizasaun Mundiál Saúde (OMS) iha Timor-Leste, Arvind Mathur no Diretór Ospitál Nasionál Guidu Valadares (HNGV), Alito Soares lansamentu sentru kolposkopia, iha bidau hngv, kinta (02/06). Imajen Tatoli/Egas Cristóvão

DILI, 02 juñu 2022 (TATOLI)— Ministériu Saúde hamutuk ho Organizasaun Mundiál Saúde (OMS) halo lansamentu sentru kankru serviks iha Hospitál Nasionál Guido Valadares (HNGV) hodi halo prevensaun sedu ba moras perigu ne’e iha Timor-Leste.

“Sentu ne’e estabelese ho hanoin ba oin   mellora serbisu hodi halo prevensaun sedu ba kankru serviks no redús númeru moras no mortalidade serviks iha ita-nia nasaun,” Minisitra Saúde, Odete Maria Freitas Belo, hateten liuhosi diskursu iha HNGV-Bidau, kinta ne’e.

Governante ne’e husu ho estabelesementu sentru ne’e Diresaun Jerál Prestasaun Saúde nian  liuhosi Deparatamentu  Saúde Infatil  no Departamentu Promosaun Saúde tenke halo promove informasaun kona-ba kankru serviks ne’e bai nan-feto sira atu hatene.

Tanba, Kankru Serviks ne’e moras kankru dahaat ne’ebé komún liu iha feto sira. Bainhira hetan diagnoza ona, moras kankru serviks ne’e bele hetan tratamentu ho susesu, bainhira deteta sedu no halo tratamentu ho efetivu. Kankru ne’ebé hetan diagnoza iha estajiu ikus liu mós bele kontrola liuhosi tratamentu apropriadu no kuidadu paliativu sira.

“Iha Tinan 2023 ita sei introduz vasina HPV ba labarik sira atu redúz  númeru moras no mós númeru mortalidade  labarik feto no inan isin rua iha ita-nia rain,” nia afirma.

Iha biban hanesan, Reprezentante Organizasaun Mundial Saúde iha Timor Leste, Arvind Mathur, informa sentru ne’e momentu istóriku tanba Timor-Leste mós iha ona fasiidade rastreiu ba inan -feton  ho kankru  serviks atu halo detesaun sedu.

Reprezentante Organizasaun Mundiál Saúde (OMS) iha Timor-Leste, Arvind Mathur. Imajen Tatoli/Francisco Sony

“Kankru serviks bele prevene no bele kura bainhira detekta sedu no tratamentu  ne’ebé adekuadu,   maibé sei nafatin  sai kauza  komun  hosi  mate relasiona  ho kankru  entre  inan-feto  sira iha mundu  no mós iha Timor Leste,” nia dehan.

Tuir dadus estimasaun iha Timor Leste kada tinan hatudu kazu 10 hosi kankru serviks ne’ebé akontese  ba ina-feton sira hamutuk  100.000  no hosi númeru ne’e inan-feton  sira na’in-neen  mak mate tanba kankru  serviks  ne’ebé indika katak kuaze  60%, hosi kazu hirak ne’ebé diagnosa   ho faze avansadu.

Nune’e, Arvind Mathur, dehan iha tinan 2023 OMS sei introduz  imunizasaun vasina Human Papilona Virus (HPV) ba labarik adolosente idade tinan 11 iha Timor Leste.

Ministra Saúde, Odete Maria Freitas Belo hamutuk Reprezentante Organizasaun Mundiál Saúde (OMS) iha Timor-Leste, Arvind Mathur no Diretór Ospitál Nasionál Guidu Valadares (HNGV), Alito Soares hasai foto hamutuk iha lansamentu sentru kolposkopia, iha bidau hngv, kinta (02/06). Imajen Tatoli/Egas Cristóvão

Entretantu, Xefe Departamentu Obstetrisia no Jinekolojia HNGV, Agusto Junir Gusmão,  hateten, halo screening bá ema hamutuk 28, hosi númeru ne’e na’in-neen iha sinál pozitivu kankru serviks.

Nune’e Departamentu Obstetrisia no Jinekolojia kontinua halo Kolposkopia ne’eb’e konsege deteta na’in-tolu (3) mak pozitivu kankru serviks,  ida ho kankru serviks stadium tolu, ida ho kondiloma termal ablation, ida seluk ho pre-Kankru sin 3 no parte médiku sira halo ona biopsy atu hodi hatene loos.

“Screening ne’e hanesan meiu ida atu ita bele deteta ema ne’e Kankru ka lae, inan feton sira ne’ebé ho idade 30-49 laiha moras, maibé sira ne’ebé kaben-na’in no kaben ho idade ki’ik no iha oan barak, ida ne’e risku tebes atu hetan moras serviks tanba ne’e husu inan sira mai Screening hodi hatene tuir itaboot sira nia moras,” nia sujere.

Jornalista : Felicidade Ximenes

Editór        : Florencio Miranda Ximenes

iklan
iklan

Leave a Reply

iklan
error: Content is protected !!