iklan

EKONOMIA, COVALIMA

Janeiru-maiu: DTT Covalima kontribui reseita $21,795,00 ba kofre Estadu

Janeiru-maiu: DTT Covalima kontribui reseita $21,795,00 ba kofre Estadu

Osan Dolar Amérika. Imajen/Espesiál

COVALIMA, 07 juñu 2022 (TATOLI)—Diretór Dirasaun Transporte Terrestre (DTT) Munisípiu Covalima, Juaquim Gusmão, informa hosi janeiru to’o maiu ne’e Dirasaun Transporte Terrestre Covalima kontribui ona reseita $21,795,00 ba kofre Estadu.

“Dirasaun Transporte Terrestre Covalima, hosi janeiru to’o maiu ne’e konstribui ona reseita $21,795,00 ba kofre Estadu liuhosi fonte halo inspesaun motor no karreta, lisensa trajetu, renova karta kondusaun, rejistu motor no karreta,” Juaquim Gusmão informa ba Agência Tatoli, iha nia knar fatin, Santa Rosa, tersa ne’e.

DTT Covalima kontribui reseita ne’e, hosi fulan-janeiru to’o maiu kontribui reseita $21,795,00 ne’ebé iha fulan janeiru kontribui $7,390.00, fevereiru $4,850,00, marsu $3,715.00, abril $2,830,00 no fulan-maiu kontribui $3,010,00

Reseita sira-ne’e DTT kontribui liuhosi halo inspesaun krareta no motor hamutuk 1492 hodi kontribui reseita $15,785,00, lisensa trajetu hamutuk 61 hodi kontribui reseita $1,270,00, renova karta kondusaun hamutuk 149 hodi kontribui reseita $2,760,00, rejistu motor no karreta hamutuk 181 ne’ebé kontribui reseita $1,980,00 ne’ebé totál invoice hamutuk 1883 hodi kontribui reseita $21,795,00.

Tanba ne’e, nia apela ba motorista sira-ne’ebé sira-nia dokumentu mate tenke trata dokumentu iha dirasaun transporte terrestre nune’e motorista sira bele livre halo movimentu bainhira polísia tranzitu sira halo pasa revista.

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!