iklan

COVALIMA, MUNISÍPIU

Pe. Aniceto Maia: “Mahein Santu António sei harohan ba PNTL Covalima”

Pe. Aniceto Maia: “Mahein Santu António sei harohan ba PNTL Covalima”

Komandu PNTL Covalima selebra loron mahein Santu António ho misa agradeseimentu ne’ebé preside hosi Pe. Aniceto Maia. Imajen Tatoli/Celestina Teles.

COVALIMA, 14 juñu 2022 (TATOLI)–Komandu Polisia Nasionál Timor Leste (PNTL) iha munisípiu Covalima, segunda ne’e, selebra loron mahein Santo António de Padua ho misa agradesimentu ho tema “Hamutuk ho mahein Santu António, ita haklaken fiar, haburas talentu no hametin unidade iha liafuan no hahalok”.

Pároko Zumalai, Aniceto Maia, hateten Santu António hanesan mahein ba Polísia Nasionál Timor-Leste (PNTL) entaun membru PNTL sira tenke moris banati Santu António nia hanorin no husu ba Santu António atu harohan ba membru PNTL sira iha Covalima no iha Timor-Leste.

Komandu PNTL Covalima selebra loron mahein Santu António ho misa agradeseimentu. Imajen Tatoli/Celestina Teles.

“Ita-boot sira-nia servisu sai bensaun ba instituisaun, família, nasaun no ba ita-nia povu iha Timor-Leste. Santu António mak ita-boot sira-nia mahein, sei harohan da’et ba membru PNTL Covalima ka ba ita-boot sira,” Pe. Aniceto Maia hateten liuhosi nia ómilia bainhira preside misa agradesimentu loron Santu António, iha rkomandu PNTL Covalima.

Tanba ne’e, Polísia Nasionál Timor Leste tenke prontu sakrifika hodi banati tuir Santu António hodi hatudu domin la’ós ho liafuan maibé tenke hatudu ho asaun bainhira servi povu tuir lei no orden.

“Hatudu domin la’ós de’it ho liafuan maibé ho asaun tanba asaun domin halo ema sai ida-de’it. Domin atrai ema, halo ema besik mal. Se laiha domin, entaun iha odiu no vingansa de’it,” Amu lulik ne’e esplika’

Tanba hala’o servisu PNTL prontu atu sakrifika an no hadomi instituisaun, povu no nasaun  bainhira domin tenke liuhosi sakrifisiu hodi bele hetan haksolok. 

“Servisu iha PNTL, ha’u hakarak dehan prontu atu sakrifika an, hadomi instituisaun, nasaun no povu hodi hala’o servisu ho di’ak presija sakrifisiu. Tanba, domin mosu liuhosi sakrifisiu,” nia dehan.

Misa agradesimentu ne’e prezide hosi padre pároko zumalai, Aniceto Maia, no misa ne’e partisipa hosi autoridade munisípiu Covalima, diretór munisipal, komandante eskuadra postu administrativu hitu no família hosi membru PNTL sira.

Jornalista : Celestina Teles 

Editór        : Cancio Ximenes

iklan
iklan

Leave a Reply

iklan
error: Content is protected !!