COVID-19, HEADLINE, SAÚDE

Governu renova medida esesionál temporária hodi hatán pademia COVID-19

Governu renova medida esesionál temporária hodi hatán pademia COVID-19

Vise Primeiru-Ministru no Ministra Solidariedade Sosiál no Inkluzaun, Armanda Berta dos Santos, lidera reuniaun Konsellu Ministru, iha Palásiu Governu, kuarta (15/06). Imajen Tatoli/Francisco Sony

DILI, 15 juñu 2022 (TATOLI)–Governu liuhosi reuniaun Konsellu Ministru (KM), kuarta ne’e, aprova projetu proposta-lei hosi Primeiru-Ministru (PM), Taur Matan Ruak, hodi halo renovasaun daruak ba medida esesionál no temporária ba vijilánsia sanitária hodi hatán ba pandemia moras COVID-19, hosi artigu 3 lei númeru 24/2021, loron 19 novembru.

“Ho alterasaun ne’e, medida esesionál sira ne’e ba períodu loron 120,” Ministru Prezidénsia Konsellu Ministru, Fidelis Manuel Leite Magalhães, relata hafoin ramata reuniaun ezekutivu, iha Palásiu Governu.

Notísia relevante: Governu altera medida esesionál-temporária vijilánsia sanitária hatán ba COVID-19

Portavóz Governu esklarese, inisiativa ne’e atu aumenta tan loron vijénsia iha artigu 3 lei númeru 24/2021 kona-ba medida esesionál sira tanba nia loron sei ramata iha tempu badak.

“Tanba ne’e, maka Konsellu Ministru husu fali atu Parlamentu Nasionál hodi bele halo fali aprovasaun hodi estende tan loron medida esesionál ne’ebé prevee iha artigu 3, nune’e haruka fali ba Prezidente Repúblika hodi hetan promulgasaun,” Ministru akresenta.

Jornalista : Antónia Gusmão

Editora     : Julia Chatarina

iklan
iklan

Leave a Reply

iklan
error: Content is protected !!