iklan

COVALIMA, POLÍTIKA

Konsellu Diretivu koordena ho autoridade Covalima identifika rai proprietária ba Tatoli, I.P

Konsellu Diretivu koordena ho autoridade Covalima identifika rai proprietária ba Tatoli, I.P

Prezidente Konsellu Diretivu Tatoli, I.P, Manuel Pinto, ho Vise Prezidente Asuntu Administrasaun Finansas, Olandino da Costa, hala’o enkontru koordenasaun ho autoridade Covalima. Imajen Tatoli/ Argentina Cardoso.

COVALIMA, 21 juñu 2022 (TATOLI)–Prezidente Konsellu Diretivu Agência Tatoli, Institutu Públiku (Tatoli, I.P), Manuel Pinto, ho Vise Asuntu Administrasaun Finansa, Olandino da Costa, tersa ne’e, koordena ho autoridade Covalima atu identifika rai proprietária ba Tatoli, I.P hodi hala’o servisu iha munisípiu Covalima.

Notísia Relevante: TATOLI horisehik no ohin  

“Ami husu tulun administrasaun munisípiu Covalima, ita hamutuk hodi buka identifika rai no proprietária Estadu ba ami, fatin atu bele hala’o servisu. Tanba, ita hotu hatene iha tempu besik Governu hahú atu implementa lei podér lokál no desentralizasaun administrativa,” Manuel Pinto informa ba jornalista sira bainhira hala’o enkontru ho reprezentante administradór munisípiu Covalima, Francisco de Jesus Alves, iha Kampung Baru.

Ho nune’e, nia dehan, Tatoli, I.P tenke adapta nia an hodi desentraliza informasaun durante tinan barak hodi kobre de’it nasionál maibé la kobre iha munisípiu sira.

Aleinde ko’alia kona-ba asuntu husu rai proprietária Estadu, prezidente mós halo introdusaun kona-ba servisu no ezisténsia Tatoli, I.P iha nasionál to’o ona iha munisípiu Covalima inklui destaka jornalista iha Baucau, Bobonaro, Covalima, Viqueque no Rejiaun Administrativu Espesiál Oé-Cusse Ambeno (REOA).

Reprezentante administradór Munisípiu Covalima Francisco de Jesus Alves prontu servisu hamutuk hodi identifika rai proprietária Estadu ba ajensia Tatoli IP hodi hala’o servisu iha munisípiu covalima.

“Ami prontu atu servisu hamutuk no bele ko’alia tanba babain hosi nasionál hodi husu fatin ita iha ne’e. Rai no priprietária iha maibé balun identifika uza ona ba edifisiu públiku,” nia dehan.

Autoridade Covalima prontu atu servisu hamutuk ho Agência Tatoli, I.P maibé kona-ba rai no proprietária ne’e autoridade labele hatudu ona fatin, maibé presiza servisu hamutuk ho parte Terra no Propriedade Covalima.

Jornalista : Celestina Teles

Editór      : Cancio Ximenes

iklan
iklan

Leave a Reply

iklan
error: Content is protected !!