Timor-Leste no Austrália sei selebra akordu subsidiáriu millaun $25

June 22, 2022
01:02 PM
Facebook Instagram X WhatsApp Telegram

*Vise Primeira-Ministra no Ministra Solidariedade Sosiál no Inkluzaun, Armanda Berta dos Santos, lidera reuniaun Konsellu Ministru, iha Palásiu Governu, kuarta (22/06). Imajen Tatoli/Francisco Sony*

DILI, 22 juñu 2022 (TATOLI)–Governu liuhosi reuniaun Konsellu Ministru (KM), kuarta ne’e, delibera atu autoriza selebrasaun akordu subsidiáriu entre Governu Timor-Leste no Governu Austrália, relasiona ho Programa Parseria ba Prosperidade Inkluziva (PROSIVU).

“Kontribuisaun finanseira hosi Governu Austrália ne’e ho valór millaun $25. Orsamentu ne’e sei utiliza entre loron 01 jullu 2022 no 30 juñu 2026,” Ministru Prezidénsia Konsellu Ministru, Fidelis Manuel Leite Magalhães, relata hafoin ramata reuniaun ezekutivu, iha Palásiu Governu.

Notísia relevante: Austrália apoiu tokon A$80 hodi reforsa dezenvolvimentu suku

Nune’e, KM delibera hodi indika Ministru Finansa, Rui Augusto Gomes, asina akordu ne’e lori Governu Timor-Leste nia naran.

Jornalista : Antónia Gusmão

Editora : Julia Chatarina