iklan

HEADLINE, JUSTISA

PCIC detein sidadaun estranjeiru na’in-rua ba kazu tráfiku umanu

PCIC detein sidadaun estranjeiru na’in-rua ba kazu tráfiku umanu

PCIC detein sidadaun estranjeiru na’in-rua ne’ebé deskonfia envolve iha rede prátika tráfiku umanu no fasilita ilegál traballadora timoroan na’in-hitu (7), ne’ebé daudaun “terus” iha Dubai, Uni Emiradu Árabe.Imajen/espesiál.

DILI, 24 juñu 2022 (TATOLI)—Polísia Siéntifika Investigasaun Kriminál (PCIC, sigla portugés), sesta ne’e, detein tan sidadaun estranjeiru na’in-rua, ba kazu tráfiku umanu, tanba ho ilegalmente fasilita traballadór timoroan na’in-hitu (7), ne’ebé daudaun “terus” iha Dubai, Uni Emiradu Árabe.

PCIC halo detensaun ba suspeitu na’in-rua ho inisiál AES nu’udár sidadaun Bahrain no ida seluk ho inisiál IGAE nu’udár sidadaun Sudaun, maizumenus iha tuku 13:00, iha aeroportu internasionál Nicolau Lobato, Comoro-Dili bainhira mai hosi Indonézia ho aviaun CITILINK.

Notísia relevante:  Timoroan na’in-hitu “terus” hela iha Dubai

“Ohin, ami halo detensaun ho fora fragante delitu ba sidadaun estrajeiru nain-rua ne’ebé maka maka envolve iha rede kazu tráfiku umanu. Sidadaun nain-rua ne’e serbisu hamutuk ho ita nia suspeitu nain-tolu seluk ne’ebé maka antes ne’e, ita detein ona tanba komete krime tráfiku umanu,” Adjuntu Diretór PCIC, Adino Nunes Cabral, ba Agência TATOLi iha nia knaar fatin Colmera.

Nia dehan, halo detensaun ba suspeitu na’in-rua ne’e tanba sira nia ajénsia mak iha Indonézia ne’ebé koordena ho suspeitu nain-tolu ne’ebé antes ne’e detein ona hodi lori timoroan mesak feto na’in-hitu ba Dubai.

Adjuntu Diretór PCIC ne’e esplika, sidadaun estranjeiru na’in-rua ne’e mai tan Timor-Leste atu halo enkontru ho suspeitu nain-tolu ne’ebé antes ne’e detein ona, hodi halo tan rekrutamentu ba timoroan.

“Sira kontaktu malu iha rede krime transnasionál. Sira atu ko’alia hodi rekruta tan ita nia timoroan ba li’ur. Liuhosi kontaktu malu ne’e maka ita deteta hodi koloka kedan ekipa iha aeroportu atu sira tun halo kedan detensaun fora fragrante delitu,” Adjuntu Diretór PCIC ne’e esplika.

Tuir lei, PCIC iha oras 12 atu halo identifikasaun ba sira hodi hein mandadu hosi tribunál atu halo detensaun.

Hafoin halo detein sidadaun estranjeiru nain-rua PCIC halo kedan auto notísia ba Ministériu Públiku hodi solisita ba Tribunál hodi hatun mandu detensaun.

“Bainhira mandadu tun mai ona maka ita foin halo detensaun ba sira hodi kumpre oras 72, hafoin ita submete ba Tribunál Distritál Dili hala’o Primeira Interrogátoriu,” nia akresenta,

Notísia relevante:  PCIC detein suspeitu nain-tolu ba kazu tráfiku umanu

Jornalista  : Natalino Costa

Editór        : Florencio Miranda Ximenes

iklan
iklan

Leave a Reply

iklan
error: Content is protected !!