DILI

Lei la permite menoridade luta iha ai-laran simu direitu pensaun

Lei la permite menoridade luta iha ai-laran simu direitu pensaun

Prezidente Konsellu veteranu. Vidal de Jesus "Riak Leman". Imajen Tatoli/Francisco Sony.

DILI, 25 juñu 2022 (TATOLI)—Prezidente Konsellu Libertasaun Nasionál (CLN), Vidal de Jesus “Riak Leman”, informa lei la permite veteranu menoridade ne’ebé uluk luta iha ai-laran kontribui ba Timor-Leste nia independénsia ne’e atu simu direitu pensaun.

Notísia Relevante: Veteranu menoridade luta iha ai-laran sei hetan direitu pensaun

“Iha lei ne’e, sira-ne’ebé idade kiik-oan ne’e laiha no baze de apoiu mós la konta no konta mak sira ne’ebé sai autór mak bele rejistu ba iha verifikasaun dadus veteranu rejistadu tinan 2009 nian. Nune’e, veteranu menoridade ne’ebé kontribui luta ba ukun rasik an ne’e, lei la permite atu sira atu simu direitu pensaun,” Vidal de Jesu “Riak Leman”, hateten ba Agência TATOLI, liuhosi telefónika, segunda ne’e.

Nia hatutan, Estadu konsidera nafatin sira-nia luta ba rai ida-ne’e hodi haree ba lei ne’e tanba lei mak regula buat hotu-hotu, maibé se halo alterasaun ba lei ne’e entaun veteranu menoridade mós bele hetan direitu pensaun.

“Hanesan ha’u rasik bainhira luta labarik sira mak fó seguransa no kuidadu ha’u, maibé tan lei entaun sira labele hetan direitu,” nia dehan.

Lei Númeru 3/2006, 12 abril 2006, lei ida-ne’ebé ko’alia kona-ba estatutu Kombatente Libertasaun Nasionál nian ne’e, Parlamentu Nasionál aprova iha loron 7 fevereiru 2011 no Prezidente Repúblika, Francisco Guterres Lú Olo, promulga iha loron 21 marsu tinan 2021.

Lei ida-ne’e, tuir Prezidente Konsellu Kombatente Libertasaun Nasionál (CCLN), Vidal dé Jesus “Riak Leman”, hateten presiza altera hodi permite rejistu foun iha fulan-novembru ba veteranu no sobrevivente sira.

“Lei ida-ne’e garante ka prevee de’it rejistu hosi 2003 to’o 2009, entaun presiza altera,” nia dehan.

Jornalista : Osória Marques

Editór        : Cancio Ximenes

iklan
iklan

4 Comments

  1. Tuir los justiza, sei labarik sira nee iha idade hatu luta ba independencia,
    adulto sira iha tempo nee hatene sira maka nebe, bele ba advogadu ga juiz, halo deklarasaun ida affidavits, hato ajuda sira simo pension veterans!
    Lei sira iha mundo tomak, lei funil anessa ida nee!

  2. Se 1997 hau konhece komandante lubuk ida inklui xefe Estado Maior das Falintil hanesan Taur Matan Ruak, Komandante Samba Sambilan, Komandante Aquito, Adjunto Matos, Asisstente Bersama,Gil oan soru, Susar, No soldadu lubuk ida iha rai Remexiu-Sucu Liurai-Laraluha iha Bimpolda balu sempre lao hodi kontrola hela situasaun. Iha tempu neba kiik oan lubuk ida hamutuk ho falintil sira, mas segredu sempre rai nafatin karik, uluk mak kiik sira la rai segredu ho didiak hau hanoin entre sira ” Falintil ” karik balu sei la goja ukun aan ne. Obrigadu Riak Leman

Leave a Reply

iklan
error: Content is protected !!