iklan

HEADLINE, NASIONÁL, POLÍTIKA

MNEK koopera ho INTERPOL salva traballadora timoroan na’in-hitu “terus” iha Dubai

MNEK koopera ho INTERPOL salva traballadora timoroan na’in-hitu “terus” iha Dubai

Vise Ministru Negósiu Estranjeiru no Kooperasaun (MNEK), Julião da Silva. Imajen Tatoli/Francisco Sony

DILI, 27 juñu 2022 (TATOLI) – Governu Timor-Leste liuhosi, Ministériu Negósiu Estranjeiru no Kooperasaun (MNEK), hahú koopera ho International Criminal Police Commission (INTERPOL) atu salva traballadora na’in-hitu, ne’ebé daudaun ‘terus’ hela iha Dubai-Uni Emiradu Árabe.

Timoroan na’in-hitu mesak feto, ho inisiál BS, ECdR, L, P, M, A, A “terus” hela iha Dubai, Uni Emiradu Árabe (EUA), tanba empreza ne’ebé fó-serbisu ba sira laiha kontratu ho sira no sira-nia dokumentu empreza halo apreensaun hotu. Úniku subar hela de’it mak telefone hodi kontaktu.

“Daudaun ne’e, Timor-Leste koopera di’ak hela ho INTERPOL Dubai nian no hetan ona prova sira balun, ita nia parte seguransa mós halo servisu makas to’o detein autór prinsipál ne’e esforsu kooperasaun nasaun rua nian,” Vise MInistru Negosiu Estranjeiru no Kooperasaun, Julião da Silva, hateten ba Agência TATOLI, iha nia knaar fatin Dili, segunda ne’e.

Notísia relevante:   Timoroan na’in-hitu “terus” hela iha Dubai

Nune’e, MNEK hein de’it parte justisa halo servisu no kontinua investigasaun kle’an ba problema ne’ebé akontese, bainhira iha ona desizaun ruma mak foin bele komunika ho Governu Dubai atu bele lori fila traballadora na’in-hitu ne’e.

“Agora, ita hein servisu judisial nian, fó sai ona rezultadu mak ita foin bele foti asaun ruma tanba prosesu hotu sei iha parte justisa nia-liman,” nia afirma.

Molok ne’e, Konsellu Ministru (PCM, siglá portugés), Fidelis Manuel Leite Magalhães, hateten Governu fó atensaun boot no sei solusiona traballadór timor-oan na’in-hitu (7), ne’ebé daudaun ne’e terus no hela iha Dubai, Uni Emiradu Arabé (UEA).

Notísia relevante: Governu sei solusiona traballadór timoroan na’in-hitu “terus” hela iha Dubai

Governu liuhosi ministériu kompetente hanesan Ministéiru Negósiu Estranjeiru no Kooperasaun (MNEK) haree hela kestaun refere.

Hatán kona-ba lori fila traballadór hirak ne’e, Fidelis hateten Governu iha dever atu halo atuasaun ba nia sidadaun maibé nia parte labele pronunisa uluk tanba kestaun ne’e parte kompetente Governu nian bele trata.

Nune’e, Governante ne’e dehan, preokupasaun primeiru mak asegura integridade pesoál konforme sujeita ba tratamentu ladi’ak ba iha indísiu tráfiku ema-nian ida mak tenke sai medida atu hola. 

Notísia Relevante: PR Horta husu Governu repatria timor-oan na’in-hitu hosi Dubai

 Tribunál aplika TIR ba arguidu kazu tráfiku umanu

PCIC detein sidadaun estranjeiru na’in-rua ba kazu tráfiku umanu

Jornalista: Hortencio Sanchez

Editór      : Florencio Miranda Ximenes

iklan
iklan

Leave a Reply

iklan
error: Content is protected !!