iklan

DILI, HEADLINE, POLÍTIKA

PN simu desizaun TR konsidera projetu-lei Responsabilidade PR inkonstitusionál

PN simu desizaun TR konsidera projetu-lei Responsabilidade PR inkonstitusionál

Prezidente Parlamentu Nasionál, Aniceto Guterres. Imajen Tatoli /Egas Cristóvão.

DILI, 27 juñu 2022 (TATOLI)—Parlamentu Nasionál (PN) hakruuk no simu desizaun Tribunál Rekursu (TR) ne’ebé konsidera projetu-lei Responsabilidade Prezidente Repúblika (PR) inkonstituisionál.

Notísia Relevante: Tribunál Rekursu konsidera projetu-lei Responsablidade PR inkonstitusionál

“Desizaun Tribunál Rekursu ne’e vinkula ema hotu ne’ebé hakruuk no simu desizaun ne’e,” Prezidente Parlamentu Nasionál, Aniceto Longuinhos Guterres Lopes, hateten ba Agência Tatoli iha Parlamentu Nasionál, segunda ne’e.

Nia hatutan, konteúdu TR deklara inkonstituisionál ba parte balun la’ós hotu-hotu maibé deklarasaun ida-ne’e nia afeta ba diploma tomak.

Nune’e, bainhira Prezidente Repúblika veta dekretu-lei hosi Parlamentu Nasionál (PN) ne’e sei haruka fila-fali mai PN rasik hodi haree fali, tanba ne’e desizaun TR ne’e PN no parte hotu hakruuk hodi simu tanba konstituisaun mak fó.

“Prezidente Repúblika mós pasti nia veta ona no veta por inkonstituisionalidade, ne’e laiha dalan seluk tenke hadi’a nia mekanizmu mak ne’e haruka mai fali Parlamentu Nasionál tenke hadi’a. Maibé atu hadi’a ka lae ne’e ka husik hela ka kontinua depende ba Parlamentu Nasionál Deputadu bankada Parlamentár,” nia hateten.

Notísia Relevante: TR notifika ona PPN hatán fiskalizasaun konstitusionalidade projetu-lei responsabilidade PR

Jornalista : Nelson de Sousa

Editór       : Cancio Ximenes 

iklan
iklan

Leave a Reply

iklan
error: Content is protected !!