iklan

DILI

2022, INSS selu subsídiu apoiu idozu no invalidéz millaun $62

2022, INSS selu subsídiu apoiu idozu no invalidéz millaun $62

Idózu no ema ho difisiente simu subsídiu iha sukursál BNCTL, iha Dili. Imajen TATOLI/António Gonçalves.

DILI, 28 juñu 2022 (TATOLi)–Prezidente Institutu Nasionál Seguransa Sosiál (INSS), Longuinhos Armando Leite, informa iha tinan 2022 ne’e Governu liuhosi INSS sei selu  subsídiu apoiu idozu no invalidéz iha territóriu nasionál hamutuk millaun $62.

Notísia Relevante: PR promulga alterasaun dekretu-lei subsídiu apoiu ba idozu no invalidéz

“Sa’e ona ba $50 entaun ita presiza osan hamutuk $61,864,800, hodi selu ba ita-nia idozu no invalidéz iha faze dahuluk tinan 2022 nian,” Prezidente INSS ne’e hateten ba Agência TATOLI liuhosi telefónika, tersa ne’e.

Lista idozu no invalidéz ba tinan 2022 liu-liu ba faze dahuluk nian benefisiáriu hamutuk 103.108 mak sei simu subsídu.

Tuir nia, iha 09 dezembru 2021, deputadu sira iha Parlamentu Nasionál (PN) aprova proposta-lei númeru 147 hodi aumenta pensaun ba $50 kada fulan kompara ho antes ne’e hodi de’it $30.

Tanba hosi artigu 20, subsídiu apoiu idozu no invalidéz kria hosi dekretu-lei Númeru 19/2008, 19 juñu, iha tinan 2022 montante $50 kada fulan, ho nune’e tinan ne’e osan aumenta ba millaun $62.

Nia informa, idozu no invalidéz hamutuk ema na’in 93.378 mak simu subsídiu Governu nian iha faze daruak durante 2021 ho totál orsamentu $17,172.040, no pagamentu faze dahuluk tinan ne’e sei hahú iha fulan-jullu.

“Pagamentu ba ida-ne’e ita sei halo iha fulan-jullu tanba ami sei haree lai parte tékniku nian tanba ne’e ami seidauk bele halo pagamentu,” nia dehan.

Notísia Relevante: PN aprova subsídiu ba idozu hasa’e ba $50

Jornalista : Osória Marques

Editór       : Cancio Ximenes

iklan
iklan

Leave a Reply

iklan
error: Content is protected !!