iklan

EKONOMIA, HEADLINE, MUNISÍPIU, VIQUEQUE

BNCTL sei aumeta mákina ATM ida iha Viqueque

BNCTL sei aumeta mákina ATM ida iha Viqueque

Diretór Ezekutivu BNCTL, Brígido de Sousa. Imajen Tatoli/Vitorino Lopes da Costa

VIQUEQUE, 28 juñu 2022 (TATOLI)–Banku Nasionál Komérsiu Timor-Leste (BNCTL, sigla portugés) iha tinan ida-ne’e sei aumenta tan mákina Automatic Teller Machine (ATM) ida tan iha munisípiu Viqueque hodi fasilta kliente sira.

“Ami sei aumenta mákina ATM ida iha parte Viqueque vila hodi bele fasilita ita-nia kliente sira la’o besik foti osan,” Diretór Ezekutivu BNCTL, Brígido de Sousa, hateten ba Agência Tatoli, iha salaun evakuasaun postu Viqueque, tersa ne’e.

Notísia relevante: BNCTL enkoraja setór privadu Viqueque halo investimentu ba setór produtivu

Banku nasionál ne’e halo kontratu ona ho kompañia ne’ebé atu halo konstrusaun fatin ATM nian durante fulan-tolu no daudaun ne’e ATM  ida de’it maka monta iha edifísiu BNCTL Beloi, ne’ebé dala ruma kliente sira atu foti osan sempre hein kleur tanba ema barak.

BNCTL sei esforsu hodi adere ba sistema P24, nune’e bele permite kliente sira ne’ebé uza kartaun P24 bele foti osan iha ATM banku seluk iha munisípiu Viqueque.

Aleinde ne’e, BNCTL monta ona ekipamentu POS iha loja tolu iha munisípiu Viqueque hodi fasilita kliente sira bainhira sosa sasán la lori osan cash, bele uza kartaun ATM hodi selu.

“Ami mós monta ona ekipamentu POS hodi fasilita ita-nia komunidade sira bainhira sosa sasán karik iha loja, la presiza ba ATM atu foti osan, maibé ba direta loja sira ne’ebé monta ona ekipamentu POS. Iha Viqueque foin lalais Koordenadór sukursál Viqueque hateten ba ha’u katak fasilidade ne’e bele foti osan mínimu $30, nune’e Viqueque iha loja tolu maka monta ona  POS,” nia dehan.

Jornalista   : Vitorino Lopes da Costa

Editora        : Julia Chatarina

iklan
iklan

Leave a Reply

iklan
error: Content is protected !!