iklan

COVALIMA, SAÚDE

Covalima simu despaixu hosi MS labele distribui Dexamethasone-Simvastatin

Covalima simu despaixu hosi MS labele distribui Dexamethasone-Simvastatin

Servisu Saúde Munisípiu Covalima, Maria Fatima Moniz. Imajen Tatoli/Celestina Teles.

COVALIMA, 28 juñu 2022 (TATOLI)–Diretora Servisu Saúde Munisípiu Covalima, Maria de Fátima Moniz informa, Servisu Saúde Covalima simu ona despaixu hosi Ministériu Saúde atu labele distribui tipu ai-moruk Dexamethasone no Simvastatin ba Sentru Saúde sira tanba ai-moruk refere laiha kualidade.

Notísia Relevante: MS suspende distribuisaun aimoruk “dexamethasone no simvastatin” ba fasilidade saúde

“Ami simu ona despaixu hosi Ministériu Saúde katak labele distribui ai-moruk dexamethasone no Simvastatin ne’ebé laiha kualidade ba sentru saúde sira iha Covalima. Hafoin ne’e, ami simu no fó orientasaun ba xefe sentru saúde hitu (7) no responsavél farmasia atu haree estoke ai-moruk tipu rua ne’e, hodi hapara distribuisaun ai-moruk ne’e ba pasiente,” Maria de Fátima Moniz hateten ba Agência Tatoli, iha nia knar fatin, Camanasa, tersa ne’e.

Ilustrasaun aimoruk Dexamethasone tablet.Imaje/espesial

Maske simu ona despaixu hosi Ministériu Saúde kona-ba kualidade tipu ai moruk rua refere, maibé durante ne’e servisu saúde Covalima la simu estoke tipu ai-moruk Simvastatin hosi SAMES tanba iha tinan kotuk estoke ai-moruk Dexamethasone ho tablet 1052 ne’ebé liu ona prazu, nune’e la distribui ba sentru saúde sira.

“Ita laiha estoke ba ai-moruk tipu Simvastatin, ita la simu estoke ai-moruk ne’e hosi SAMES no tipu ai-moruk Dexamethasone tinan kotuk mak ita iha, ne’ebé liu ona prazu. Iha fulan-marsu tinan ne’e, ita la distribui ba sentru saúde sira hodi uza ai-moruk atu distribui ba komunidade tanba ita laiha estoke,” nia dehan.

Tanba, tuir nia, tipu ai-moruk Dexamethasone nia funsaun atu fó ba pasiente sira-ne’ebé mak moras  alerjia, isin katar  maibé estoke laiha ona.

Antes ne’e, iha loron 20 fulan-juñu tinan 2022, Ministra Saúde Odete Maria Freitas Belo deside hodi suspende distribuisaun tipu ai-moruk Dexamethasone no Simvastatin ba fasilidade saúde sira iha territóriu nasionál tanba laiha kualidade hafoin halo teste iha laboratóriu Therapeutic Goods Administration (TGA) Austrália.

Notísia Relevante: Laiha kualidade, MS apela labele fó aimoruk “dexamethasone no simvastatin” ba pasiente

Jornalista : Celestina Teles 

Editór       : Cancio Ximenes

iklan
iklan

Leave a Reply

iklan
error: Content is protected !!