iklan

DILI, POLÍTIKA

Komisaun A seidauk simu projetu-lei Antí Tráfiku Umanu

Komisaun A seidauk simu projetu-lei Antí Tráfiku Umanu

Deputado FRETILIN, Joaquim dos Santos. Imajen Tatoli/Egas Cristóvão

DILI, 28 juñu 2022 (TATOLI)—Prezidente Komisaun A ne’ebé trata asuntu Justisa no Konstituisional, Joaquim dos Santos, hateten Komisaun A seidauk simu inisiativa projetu-lei Antí Tráfiku Umanu hodi bele hahú halo diskusaun.

Notísia Relevante: MP alega Prizaun Preventiva ba arguidu na’in-rua ne’ebé envolve kazu tráfiku umanu  

“Entermu lei ita seidauk iha projetu-lei Antí Tráfiku Umanu maibé iha ona inisiativa balun prepara hela, soké seidauk hatama mai Parlamentu Nasionál. Ne’ebé, ita hein iha semana ida ka rua mai, tan ne’e seidauk mai iha ami nia meza,” Prezidente Komisaun ne’e hateten ba Agência Tatoli, iha Parlamentu Nasionál, tersa ne’e.

Nia hatutan, projetu-lei ne’e la’ós inisiativa hosi Komisaun A, maibé inisiativa bele mai hosi Deputadu sira no Governu. Maibé daudaun iha ona inisiativa balun, nune’e Komisaun hein de’it bainhira meza Parlamentu Nasionál baixa ka submisaun ona mak sei fó prioridade atu diskute.

“Lei ne’e importante no nesesáriu duni atu bele diskute inisiativa lei ne’e tanba problema barak tráfiku umanu daudaun akontese liga ho mosu ajénsia ilegál bele estraga ita-nia sosiedade,” nia hateten.

Mezmu nune’e, Deputadu ne’e seidauk bele ko’alia substánsia lei no matéria sira atu introdús hodi haforsa liután ba kombate tráfiku umanu, tanba sei hein inisiativa tama ona iha PN no meza baixa ona mak tuir mekanizmu sei hahú diskute kle’an.

Antes ne’e iha 2009 Parlamentu Nasionál ratifika ona konvensaun Nasaun Unida konta krime organizadu Transnasionál.

Notísia Relevante: PCIC detein suspeitu nain-tolu ba kazu tráfiku umanu

Jornalista : Nelson de Sousa

Editór       : Cancio Ximenes

iklan
iklan

Leave a Reply

iklan
error: Content is protected !!