iklan

NASIONÁL, DILI, HEADLINE, POLÍTIKA, SEGURANSA

Autoridade Protesaun Sivíl iha papél importante proteje vida umana

Autoridade Protesaun Sivíl iha papél importante proteje vida umana

Membru seguransa protesaun sivil bainhira partisipa iha tomada de pose ba primeiru Prezidente Autoridade Protesaun Civil iha sede APC, Caicoli, kuarta (29 juinu 2022). Imajen Tatoli/António Daciparu.

DILI, 29 juñu 2022 (TATOLI)—Prezidente Repúblika (PR), José Ramos Horta, hateten Autoridade Protesaun Sivíl (APS) iha papél importante proteje vida umanu no beins ka sasán sidadaun sira-nian bainhira mosu dezastre naturál no inséndiu.

“Autoridade Protesaun Sivíl foun responsavél ba koordenasaun ba ajente protesaun sivíl iha kazu asidente grave ka katástrofe ho objetivu fundamentál proteje vida umana no beins sidadaun sira-nian,” PR Horta hateten iha diskursu iha serímonia fó pose Primeiru Prezidente APS no deklarasaun nasionál ba loron nasionál APS, iha Caicoli, kuarta ne’e.

Primeiru enkudramentu istóriku evolusaun protesaun sivíl iha Timor-Leste, konstituisaun la hola parte referénsia protesaun sivíl, apenas prevee artigu espesífiku ba polísia no forsa seguransa, artigu 147, hosi primeiru referénsia iha lei protesaun sivíl ne’ebé iha lei seguransa nasionál 2010, prevee nesesidade existénsia Autoridade Protesaun Sivíl, prioridade dezenvolvimentu lei defeza nasionál no lei seguransa interna, nune’e ho lei protesaun sivíl 2020, ba kriasaun  estruturasaun APS, tanba ne’e APS kontinua  terseiru pilár sistema seguransa nasionál.

Xefe Estadu, hein katak lideransa foun autoridade ne’e ho atuasaun sira ho rápidu liután saida mak ema hotu hakarak mezmu ho dezáfiu boot. Tanba, dahuluk, ba Prezidente APS servisu sira sei halo mak estabelese órgaun servisu nivél nasionál, munisípiu ho Rejiaun Administrativa Espesiál Oé-Cusse Ambeno (RAEOA) ne’ebé importante no urjente ba esforsu konstrusaun edifísiu nasionál APS ne’ebé fundamentál reforma setór ne’e.

“Se laiha edifísiu nasionál APS mak posivel atu konkretiza planu hotu ne’ebé iha no populasaun kontinua hela ho kondisaun hanesan saida mak liu ba pois katástrofe akontese kualkér tempu. Nune’e Governu no parseiru dezenvolvimentu ho esforsu adisionál ho lalais terrenu ida iha Dili ba Autoridade Protesaun Sivíl hodi konstrui edifísiu,” nia hateten.

Transformasaun Protesaun sivíl hetan dezáfiu boot iha  pandémia COVID-19. Nune’e, Prezidente Repúblika, depozita konfiansa tomak ba lideransa foun APS no profisionál APS servi atu infrenta dezáfiu foun ne’ebé mai ezije ida-idak nia sakrifísiu no matenek hamutuk profisionalizmu ho abnegasaun servisu di’ak ba povu no dezenvolve di’ak liu tán área ne’e.

PR mós manifesta hodi agradese ba servisu extaordináriu hosi Diresaun Jerál Protesaun Sivíl ho esforsu ajuda vítima iha dezastre katástrofe no inséndiu grave akontese iha outubru 2019 parte oeste no inundasaun marsu 2022 no abríl 2021.

Jornalista : Nelson de Sousa

Editór       : Cancio Ximenes

iklan
iklan

Leave a Reply

iklan
error: Content is protected !!