iklan

HEADLINE, INTERNASIONÁL, NASIONÁL, POLÍTIKA

Governu esforsu rezolve situasaun timor-oan hitu iha Dubai

Governu esforsu rezolve situasaun timor-oan hitu iha Dubai

Portavós Governu no Ministru Prezidénsia Konsellu Ministru, Fidelis Manuel Leite Magalhães. Imajen Tatoli/Francisco Sony

DILI, 29 juñu 2022 (TATOLI)–Portavós Governu no Ministru Prezidénsia Konsellu Ministru, Fidelis Manuel Leite Magalhães, informa, daudaun ne’e Governu la taka matan ba timor-oan na’in-hitu ne’ebé daudaun ‘terus’ no hela iha Dubai, Uni Emiradu Árabe (UEA).

Ba kestaun ne’e, Ministériu Negósiu Estranjeiru no Kooperasaun (MNEK) iha ona komunikasaun ho reprezentasaun diplomátika UEA hodi solusiona lalais situasaun ne’e.

“Ha’u rasik simu komunikasaun korrepondénsia MNEK nian ne’ebé relata hotu kona-ba esforsu hirak ne’ebé ita halo, maibé Governu la taka matan ba situasaun ne’e hodi repatria urjénsia,” Ministru Prezidénsia Konsellu Ministru, Fidelis Manuel Leite Magalhães, relata hafoin ramata reuniaun ezekutivu, iha Palásiu Governu, kuarta ne’e.

Notísia relevante: Timoroan na’in-hitu “terus” hela iha Dubai

Ministru dehan, prokupasaun kona-ba sidadaun nia moris iha rai-li’ur hanesan preokupasaun ema hotu nian no parte ezekutivu tenke halo knaar posível atubele responde situasaun hirak ne’e.

“Ami nafatin akompaña esforsu ne’ebé MNEK halo. Aleinde haree situasaun timor-oan sira iha ne’ebá, justisa mós halo serbisu. Entaun MNEK rasik relata kona-ba embaixada sira, liuliu UAE nian no Ministériu Justisa tau ba PCIC hodi halo sira-nia serbisu,” nia akresenta.

Tuir governante ne’e, parte justisa hala’o knaar no kompeténsia tuir regulamentu sira ne’ebé prevee ona no labele interven prosesu ne’ebé la’o hela hanesan sujeita hela ba segredu justisa.

Jornalista  : Antónia Gusmão

Editora      : Julia Chatarina

iklan
iklan

Leave a Reply

iklan
error: Content is protected !!