iklan

HEADLINE, JUSTISA, NASIONÁL

Roberto Pacheco nomeadu nu’udar vogál efetivu iha Konsellu Superiór Majistratura Judisiál

Roberto Pacheco nomeadu nu’udar vogál efetivu iha Konsellu Superiór Majistratura Judisiál

Ministru Prezidénsia Konsellu Ministru, Fidelis Manuel Leite Magalhães. Imajen Tatoli/Francisco Sony

DILI, 29 juñu 2022 (TATOLI)–Governu liuhosi reuniaun Konsellu Ministru (KM), aprova projetu Rezolusaun Governu, hodi dezigna Roberto da Costa Pacheco atu ezerse funsaun nu’udár vogál efetivu Governu iha Konsellu Superiór Majistratura Judisiál ba mandatu ba tinan-haat.

Projetu Rezolusaun Governu ne’e aprezenta hosi Ministru Justisa (MJ), Tiago Amaral Sarmento.

“Ho Rezolusaun Governu ida-ne’e prosede mós dezignasaun ba Digna Amélia Tilman nu’udár suplente iha kargu vogál iha Konsellu Superiór Majistratura Judisiál. Kompete ba Konsellu atu jere no disiplina atividade majistradu judisiál sira no mós atu nomea, koloka, trasfere no promove juíz sira iha Timor-Leste,” Ministru Prezidénsia Konsellu Ministru, Fidelis Manuel Leite Magalhães, relata hafoin ramata reuniaun ezekutivu, kuarta ne’e.

Notísia relevante: PN sei halo re-apresiasaun ba estatutu majistradu judisiál

Nune’e, Konsellu Superiór Majistratura ne’e prezide hosi Juíz Prezidente Supremu Tribunál Justisa no kompostu hosi vogál na’in-haat, ne’ebé ida hosi na’in-haat ne’e dezigna hosi Governu.

Jornalista  : Antónia Gusmão

Editora      : Julia Chatarina

iklan
iklan

Leave a Reply

iklan
error: Content is protected !!