iklan

DILI, INKLUZAUN SOSIÁL

AHDMTL nafatin defende-halo advokásia ba Ema ho Defisiénsia nia direitu

AHDMTL nafatin defende-halo advokásia ba Ema ho Defisiénsia nia direitu

Diretór Interino AHDMTL, Gabriel Ponciano de Sousa. Imajen Tatoli/Francisco Sony

DILI, 30 juñu 2022 (TATOLI)—Diretór Ezekutivu Interinu Asosiasaun Halibur Defisiénsia Matan Timor-Leste (AHDMTL), Gabriel Ponciano de Sousa, hateten ohin AHDMTL komemora aniversáriu ba dala-XI [01 jullu] ho tema “Espetativa AHDMTL nian iha futuru no determinasaun sosiál” iha eskritóriu AHDMTL, Manleuana, Dili.

“Ami foti tema ida-ne’e tanba ami hakarak futuru Organizasaun AHDMTL ne’e tanba ami nafatin defende no halo advokásia ba ema ho defisiénsia sira-nia direitu iha futuru no sai koñesidu iha Timor-Leste no iha ajénsia internasionál nia matan,” Diretór Ezekutivu Interinu AHDMTL, Gabriel Ponciano de Sousa, hateten ba Agência TATOLI, liuhosi telefónika, kinta ne’e.

Gabriel Ponciano de Sousa hateten, liuhosi komemorasaun ne’e mak nafatin fanun no motiva ema ho defisiénsia sira iha Timor-Leste hodi labele tauk atu hamriik iha oin hodi ko’alia tanba ema ho defisiénsia sira mós iha direitu ne’ebé hanesan ho ema lahó defisiénsia sira.

“Ami hakarak komemora aniversáriu AHDMTL tanba liuhosi ida-ne’e mak bele motiva no enkoraja ita-nia maluk defisiénsia sira no oinsá iha mentalidade ne’ebé di’ak hodi kore an hosi diskriminasaun no bele asesu ba edukasaun no foti desizaun ba asuntu ruma,” nia dehan.

Atividade ne’ebé sei halo mak iha komemorasaun ne’e mak entre ema ho defisiénsia matan sira hosi AHDMTL no Uniaun Ema ho Defisiénsia Matan (ETBU) sei halo kompetisaun hakerek ho letra braille, atividade dada tali, lee poezia, inklui lansa livru profile AHDMTL nian.

Komemorasaun ne’e hetan suporta hosi Kompania Dellos, Água, Silvia, Igreja Vitória Família, no Timor Telecom ne’ebé apoiu saldo komunikasaun nian no ho ekipamentu seluk.

Totál membru AHDMTL iha Timor-Leste hamutuk 14,800 no asesu ba edukasaun ka estudante mak na’in 90

Jornalista : Osória Marques

Editór      : Cancio Ximenes

iklan
iklan

Leave a Reply

iklan
error: Content is protected !!