iklan

COVALIMA, POLÍTIKA

Autoridade Covalima submete ona Planta no Kadernu Enkargu PDIM ualu ba MAE

Autoridade Covalima submete ona Planta no Kadernu Enkargu PDIM ualu ba MAE

Diretór Planu Dezenvolvimentu Integradu Munisipál (PDIM), Afonso Nogueira Nahak. Imajen tatoli/Celestina Teles.

COVALIMA, 30 juñu 2022 (TATOLI)—Administrasaun Munisípiu Covalima (AMC) liuhosi Servisu Munisipál Programa Dezenvolvimentu Integradu Munisipal (PDIM) submete ona Planta no Kadernu Enkargu (BoQ) ualu (8) ba Ministériu Administrasaun Estatál (MAE) ne’ebé sei implementa iha tinan 2023.

“Iha-tinan 2023 projetu PDIM 10, maibé hosi númeru ne’e projetu PDIM ualu (8) finaliza ona Planta no Kadernu Enkargu (BoQ) no tékniku sira submete ona ba Ministériu Administrasaun Estatál (MAE) hodi halo verifikasaun Planta no Kadernu Enkargu (BoQ). Falta projetu PDIM postu Saúde iha aldeia Nainare no rezidénsia médiku tanba problema estrutura rai,” Diretór  Programa Dezenvolvimentu Integradu Munisipál (PDIM), Afonso Nogueira Nahak, informa ba Agência Tatoli, iha nia knar fatin, Kampung Baru, kinta ne’e.

Projetu Programa Dezenvolvimentu Integradu Munisipal (PDIM) ualu (8) ne’ebé sei implementa iha tinan 2023 mak hanesan konstrusaun merkadu unit 1, Rezidénsia Sekretáriu Minisípiu, reabilitasaun rezidénsia postu administrativu Zumalai, konstrusaun lutu haleu servisu obra publika Covalima, konstrusaun rezidénsia pesoál saúde iha Aisik iha postu Fatumea, salaun enkontru postu Fohorem no rezidénsia ba pesoál saúde iha suku Dato-Tolu ne’ebé nia dezeñu feitu ona hein atu halo implementasaun.

“Obra sira -ita hahá ho kualidade idantifika rai tinan oin projetu ualu (8) mak feitu ona ita hein tan projetu PDIM rua finaliza bele kompleta nia dezenu no planta no kadernu enkargu (BoQ),” nia informa

Projetu PDIM rua mak hanesan konstrusaun postu saúde iha aldeia Nainare ho rezidensia médiku ne’e, tuir loloos Planta no Kadernu Enkargu (BoQ0 hotu ona, maibé problema estrutura rai.

Ho nune’e, komunidade Moises do Carmo ho inisiativa oferese rai ba Governu ho luan metru 60 kuadradu no naruk metru 60 kuadradu, no konstrusaun estrada rurál iha suku Lepo ba Horba postu administrativu Zumalai.

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!