iklan

HEADLINE, SAÚDE

COVID-19: kazu pozitivu foun laiha no ativu na’in-15

COVID-19: kazu pozitivu foun laiha no ativu na’in-15

Pesoál Saúde sira prepara hela vasina Booster ba Estudante Ensinu Báziku, Maria Auxiliadora Comoro ne’ebé organiza hosi Madre no Mestra sira , tersa 10/5/2022. Imajen Tatoli/Antonio Daciparu

DILI, 30 juñu   2022  (TATOLI)—Ministériu Saúde (MS), relata kazu pozitivu foun laiha, rekuperadu laiha, no kazu ativu na’in-15.

“Ohin kazu detetadu foun laiha, rekuperadu laiha no kazu ativu 15,”Diretora Jerál Prestasaun Saúde Odete da Silva Viegas  liuhosi nota ne’ebé Agência TATOLI asesu, kinta ne’e. 

Nune’e, hahú 21 marsu 2020 to’o 30 juñu 2022  iha kumulativu kazu konfirmadu 22.957 no óbitu 133.

Hosi horisehik mai ohin, Laboratóriu Nasionál Saúde halo teste PCR ualu, kompostu vijilánsia sentinela laiha, rastreiu ba kontaku  ida, rastreiu aleatóriu rua, viájen internasionál neen no follow up iha kuarentena laiha.

Alende ne’e, totál teste PCR ne’ebé halo iha 29 juñu 2022  iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 49, hanesan Maubisse laiha,  Maliana  12 Viqueque laiha, Suai  laiha, Baucau laiha, Ermera laiha, RAEOA laiha, HNGV 37,  Lautém laiha, Vera-Cruz laiha no Manufahi laiha.

Populasaun elijível tinan 18 ba leten, ne’ebe simu ona vasina to’o iha loron 30 juñu 2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (88,2%) no kumulativu 2ª doze iha Dili (83,3%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 86,3% no simu ona doze daruak 74,8%.

Hosi insidénsia COVID-19 iha Timor-Leste, durante loron hitu ikus maka 0,1/100 mil abitante.

Iha loron 30 juñu 2022 , izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu la iha, baixa ho COVID-19 la iha.

Notísia Relevante: COVID-19: kazu pozitivu na’in-tolu no ativu 15

Jornalista: Felicidade Ximenes

Editór       : Florencio Miranda Ximenes

iklan
iklan

Leave a Reply

iklan
error: Content is protected !!