iklan

COVALIMA, POLÍTIKA

Konstrusaun edifísiu postu Maucatar atinje ona 64,20%

Konstrusaun edifísiu postu Maucatar atinje ona 64,20%

Diretór Planu Dezenvolvimentu Integradu Munisipál (PDIM), Afonso Nogueira Nahak. Imajen tatoli/Celestina Teles.

COVALIMA, 30 juñu 2022 (TATOLI)–Diretór Planu Dezenvolvimentu Integradu Munisipál (PDIM), Afonso Nogueira Nahak, informa konstrusaun edifísiu postu administrativu Maucatar progresu fizíku atinje ona 64,20%.

“Projetu Planu dezenvolvimentu integradu munisipál (PDIM) tinan fiskál 2021 iha Covalima mak hanesan, konstrusaun edifísiu postu Maucatar ne’ebé ho nia progresu fíziku atinje ona 64,20% no konstrasaun rezidénsia administradór Covalima atinje ona 51,32%,” Afonso Nogueira Nahak relata progresu konstrusaun ba Agência Tatoli, iha nia knar fatin, Kampung Baru, kinta ne’e.

Konstrusaun edifísiu postu Maucatar konstrui hosi kompañia Sabudoi Unipesoál, Lda, ne’ebé progresu fizíku atinje ona 64,20% tanba konstraun fízíku taka onazinku, uma laran revoka hotu ona no agora hahú revoka moru hale’u no mós atu monta ajulezu ne’ebe sei iha prosesu.

“Progresu fizíku ne’e bazea ba ami ekipa halo monitorizasaun kada fulan tuir despaixu hosi administradór munisípiu Covalima rekomenda ba kompañia ne’ebé halo konstrusaun ekipa husu atu kompañia aselera konstrusaun refere, nune’e bele finaliza tuir nia durasaun tempu, ita hein tinan ne’e bele finaliza ona,” nia hateten.

Aleinde konstrusaun edifísiu postu administrarivu Maucatar, nia mós relata progresu Konstrusaun rezidénsia Administradór Munisípiu Covalima ne’ebé konstrui hosi kompañia Verde Caisahe, Lda, ne’ebé ninia konstrusaun fizíku atinje ona 51,32 % tanba konstrusaun lentu uitoan.

“Ita konsidera konstrusaun rezidénsia ne’e lentu, tanba ukiran barak maibé sira hahú fui ona plaka hodi bele monta cinta atu taka kalen,” nia dehan.

Hafoin halo monitorizasaun ekipa hato’o rekomendasaun ba kompañia Verde Caisahe, Lda, atu aselera konstrusaun nune’e bele finaliza iha tinan ne’e nia laran.

Nia mós husu ba kompania Sabudoi Unipesoál, Lda, ne’ebé konstrui edifisiu postu administrativu Maucatar atu hato’o pedidu pagamentu 40%, nune’e kompañia bele aselera konstrusaun refere no kompañia Verdea Caisahe mós fó ona orientasaun atu halo pagamentu ne’ebe rejistu ona iha livru bainaka no kompañia hakarak halo pagamentu pursentu hira konforme hosi kompañia, orsamentu iha no prosesu pagamentu la hanesan iha tinan kotuk.

Tanba Konstrusaun edifisiu rezidénsia admnistradór munisipiu Covalima ne’e diferensa ho konstrusaun edifísiu postu administrativu Maucatar, tanba rezidénsia administradór iha arte uitoan.

Kompañia Kaisase mós presiza halo tan rekrutamentu ba trabaldór sira atu nune’e ele halo servisu hanesan fui ai-riin moru no hada batako.

“Ita la halo ona pagamentu 20% iha tinan kotuk orsamentu adiantamentu ba kompañia rua, ba oin 60% kada kompañia bele hato’o pedidu orsamentu iha ona no 20%, ita sei halo pagamentu iha tinan oin tanba preve iha orsamentu reapropriasaun bazea ba orientasaun.

Enkuantu, administradór munisípiu Covalima hatuur fatuk dahuluk konstrusaun edifísiu postu administrativu Maucatar iha loron 05 fulan-janeiru tinan ne’e, ne’ebé konstrui hosi kompañia Sabudoi Unipesoál, Lda, ne’ebé konstrusaun ho nia durasan tempu fulan neen (6) ho orsamentu mai hosi OJE 2021 ho montante $164,861.91.

Rezidénsia administradór munisípiu Covalima iha loron 24 fulan-janeiru tinan ne’e, ne’ebé konstrui hosi kompañia Verde Caisahe, Lda, ho totál orsamentu $230,000.

Jornalista : Celestina Teles

Editór      : Cancio Ximenes

iklan
iklan

Leave a Reply

iklan
error: Content is protected !!