iklan

JUSTISA, COVALIMA, POLÍTIKA

Bee tama prizaun Covalima: dadur 188 evakua ba aeroportu Kay Rala Xanana Gusmão

Bee tama prizaun Covalima: dadur 188 evakua ba aeroportu Kay Rala Xanana Gusmão

Autoridade Covalima evakua dadur na’in-118 iha prizaun Covalima ba aeroportu Komandante Kay Rala Xanana Gusmão tanba udan boot iha sesta (30/6) ne’e hamosu inundasaun ne’ebé bee-mota tama prizaun Covalima iha aldeia tabakolot, suku Debos, postu administrative Suai, Munisípiu Covalima. Imajen Tatoli/Celestina Teles.

COVALIMA, 01 jullu 2022 (TATOLI)—Diretór Prizaun Covalima hamutuk ho Polisia Nasionál Timor-Leste (PNTL) Covalima, kinta ne’e, evakua dadur na’in-118 iha prizaun Covalima ba Aeroportu Komandante Kay Xanana Gusmão tanba udan boot halo bee-mota tama prizaun Covalima.

Notísia Relevante: Vítima inundasaun uma-kain tolu iha Covalima evakua ona ba sentru evakuasaun

Molok atu halo evakausaun ba dadur sira iha prizaun Covalima, diretór halo uluk observasaun ba fatin evakuasaun maibé fatin refere seguru ba dadur sira atu bele hela provizoriu.

Diretòr Prizaun Covalima, Julio dias Ximenes. Imajen Tatoli /Celestina Teles.

“Akontesimentu udan boot iha ohin lorokoraik ne’e hamosu inundasaun no bee-mota tama ba prizaun Covalima ne’ebé afeta ba ita-nia kondenadu ne’ebé mak hela iha prizaun Covalima. Bee-mota suli tama to’o iha bloku sira, entaun ha’u kontaktu Ministru Jutisa koordena ho administradór, komandante PNTL, Aeroportu no prokuradór Covalima halo evakuasaun ba ita-nia dadur sira ba Aeroportu Komandante Kay Xanana Gusmão,” Diretór Prizaun Covalima, Julio dias Ximenes, hateten ba Agência Tatoli, iha prizaun Covalima Tabakolot, kinta ne’e.

Prizaun Covalima afeta ba inudasaun relasiona udan boot ne’ebe akontese durante loron tolu no iha loron sesta (30/6) ne’e hamosu inundasaun ne’ebe la’ós foin mak akontese maibé beibeik ona hodi afeta ba dadur no guarda prizonál sira labele halo servisu.

Autoridade Covalima evakua dadur na’in-118 iha prizaun Covalima ba aeroportu Komandante Kay Rala Xanana Gusmão tanba udan boot iha sesta (30/6) ne’e hamosu inundasaun ne’ebé bee-mota tama prizaun Covalima iha aldeia tabakolot, suku Debos, postu administrative Suai, Munisípiu Covalima. Imajen Tatoli/Celestina Teles.

“Ha’u koordena ona no iha ona kuñesimentu hosi ita-nia nai-ulun sira, atu halo evakuasaun ba  iha aeroportu. Ha’u vizita ona fatin ne’e no seguru ba ita-nia dadur entaun ami halo ona evakuasaun,” nia informa.

Ho nune’e, evakuasaun ba dadur sira ba aeroportu durante loron hira seidauk bele hatene tanba agora udan hela de’it, entaun karik ita hein to’o tempu bailoron mak dadur sira bele mai fali iha prizaun Covalima.

Inundasaun iha prizaun Covalima nia parte seidauk identifika sasan sira-ne’ebé hetan estragu tanba sei okupadu hodi halo evakuasaun dadur sira ba fatin ne’ebé seguru hanesan iha aeroportu Komandante Kay Rala Xanana Gusmão, ne’ebé guarda prizonál apoiu seguransa hosi PNTL munisípiu Covalima

Tuir dadus, Guarda prizonal ne’ebé servisu iha prizaun Covalima hamutuk 36 no dadur sira hamutuk na’in-118.

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!