COVALIMA, SOSIEDADE SIVĺL

Ekipa konjunta Covalima halo levantamentu dadus ba komunidade afetadu inundasaun

Ekipa konjunta Covalima halo levantamentu dadus ba komunidade afetadu inundasaun

Inundasaun akontese iha aldeia Lo’o, suku Suai Loro, postu administrative Suai, Munisípiu Covalima, iha sesta (30 juñu 2022). Imajen Tatoli/Celestina Teles.

COVALIMA, 01 jullu 2022 (TATOLI)—Ekipa konjunta ne’ebé kompostu hosi Servisu Munisipál Jestaun Risku Dezastre Naturál (SJRDN), Protesaun sivil hamutuk ho parseiru Cruz Vermelha Timor Leste (CVTL), Word Vision no Mercy Corps tun ona ba tereñu hodi halo levantamentu dadus komunidade ne’ebé afetadu ba inundasaun iha munisípiu Covalima.

Notísia Relevante:  Vítima inundasaun uma-kain tolu iha Covalima evakua ona ba sentru evakuasaun

“Ami-nia ekipa sira tun ona ba terrenu atu rekola dadus ba komunidade ne’ebé afetadu ba inundasaun iha munisípiu Covalima,” Xefe Departamentu Operasaun Emerjénsia Servisu Munisipál Jestaun Risku Dezastre Naturál, José Fátima Xavier, informa ba Agência Tatoli, iha nia knar fatin, Suai Loro, sesta ne’e.

Ho nune’e, dadus provizóriu ne’ebé iha mak ekipa sira Servisu Munisipal Jestaun Risku Dezastre Naturál, Protesaun Sivil hamutuk parseiru sira hodi halo evakuasaun família vítima uma-kain tolu iha aldeia Lo’o.

“Ami konsege evakua ona uma-kain tolu ba iha sentru evakuasaun tanba ekipa prepara atu tun ba terrenu hodi halo levantamentu dadus prioridade ba suku sira-ne’ebé komunidade afetadu ba inundasaun ne’e makaas liu,” nia dehan.

Ekipa konjunta ne’e tun ba terrenu hodi halo levantementu dadus ba komunidade ne’ebé afetadu ba vítima dezastre naturál iha suku Suai-Loro, Camanasa no Labarai, postu administrativu Suai, munisípiu Covalima.

“Ita halo levantamentu dadus iha suku Suai Loro tanba tinan-tinan komunidade suku refere sempre sai vítima ba dezastre naturál, tanba ne’e ami fahe ekipa balun ba suku Suai Loro no Camanasa,” nia dehan.

Komunidade iha Covalima ne’ebé afetadu ba inundasaun mak komunidade iha aldeia Ahi Narai, suku Debos, suku Suai Loro, Sentru Saúde Suai no Prizaun Covalima.

Jornalista : Celestina Teles

Editor      : Cancio Ximenes

iklan
iklan

Leave a Reply

iklan
error: Content is protected !!