DILI, 01 jullu 2022 (TATOLI)–Vise Primeiru-Ministru no Ministra Solidariedade Sosiál no Inkluzaun (MSSI), Armanda Berta, informa, Primeiru-Ministru (PM), Taur Matan Ruak, sei halo lansamentu pagamentu ba subsídiu idozu no invalidez $50 iha munisípiu Liquiçá, semana oin.
“Primeiru-Ministru sei lansa pagamentu subsídiu ba idozu no invalidez iha Liquiçá iha loron 07 jullu lorokraik. Katuas no ferik sira antes hetan $30 maibé agora sa’e ba $50,” Ministra informa hafoin reuniaun semanál ho Xefe ezekutivu, iha Palásiu Governu, sesta ne’e.
Notísia relevante: 2022, INSS selu subsídiu apoiu idozu no invalidéz millaun $62
Nune’e, adiamentu hosi artigu 20a, subsídiu apoiu idozu no invalidez kria hosi dekretu-lei 19/2008, 19 juñu, iha tinan 2022 montante $50 kada fulan.
Totál benefisiáriu ba subsídiu idozu no invalidez iha etapa dahuluk tinan 2022 hamutuk 93.000 resin.
Jornalista : Antónia Gusmão
Editora : Julia Chatarina
