iklan

EKONOMIA, HEADLINE, INTERNASIONÁL

Timor-Leste no Xina la konsege asina akordu servisu aéreu

Timor-Leste no Xina la konsege asina akordu servisu aéreu

Ministru Trasporte no Komunikasaun, José Agostinho da Silva. Imajen TATOLI/Francisco Sony

DILI, 01 jullu 2022 (TATOLI)–Ministru Transporte no Komunikasaun (MTK), José Agustinho da Silva, informa, Timor-Leste no Xina la konsege selebra asinatura akordu servisu aéreu iha ámbitu vizita Ministru Negósiu Estranjeiru Xina, Wang Yi tanba kestaun tékniku.

“Momentu ne’ebá la konsege tanba razaun tékniku ne’ebé presiza ami hala’o diskusaun tékniku entre nasaun rua di’ak liután,” Ministru hateten hafoin ramata enkontru ho Primeiru-Ministru, Taur Matan Ruak, iha Palásiu Governu, sesta ne’e.

Notísia relevante: Ministru Negósiu Estranjeiru Xina sei asina akordu haat durante vizita Timor-Leste

Tékniku sira hosi Xina no Timor-Leste presiza hasoru malu hodi diskute oinsá armoniza kontestu sira, liuliu artigu sira hosi akordu servisu aéreu nian.

“Molok hakat ba faze formalizasaun, parte rua tenke konkorda hotu kontestu hosi akordu Air Services Agreement (ASA) ne’e. Tanba ne’e, Governu esforsu hodi finaliza diskusaun tékniku, tanba Konsellu Ministru mós atribui ona poder ba Ministru Transporte no Komunikasaun oinsá halo negosiasaun molok hakat ba asinatura,” nia akresenta.

Akordu servisu aéreu ne’e importante tanba hafoin asina sei lori ba Parlamentu Nasionál hodi ratifika, nune’e nu’udar baze ida ba nasaun ida atu dezigna aviaun.

Governu liuhosi reuniaun Konsellu Ministru atribui ona poder ba Ministru Transporte no Komunikasaun, atu asina akordu bilaterál iha ámbitu vizita ofisiál Ministru Negósiu Estranjeiru Xina mai Timor-Leste juñu 2022 liubá.  

Jornalista  : Antónia Gusmão

Editora      : Julia Chatarina

iklan
iklan

One Comment

Leave a Reply

iklan
error: Content is protected !!