iklan

BOBONARO, EKONOMIA, MUNISÍPIU

MAPKOMS enkoraja komunidade Lontas hasa’e produsaun agrikola

MAPKOMS enkoraja komunidade Lontas hasa’e produsaun agrikola

Ministru ba Asuntu Parlamentár no Komunikasaun Sosiál (MAPKOMS), Francisco Jerónimo, hato'o hela intervensaun iha programna Naroman ba suku ne'ebe realiza iha suku Lontas. Imajen Tatoli/Sérgio da Cruz.

BOBONARO, 02 jullu 2022 (TATOLI)— Ministru ba Asuntu Parlamentár no Komunikasaun Sosiál (MAPKOMS), Francisco Martins da Costa Pereira, husu ba komunidade iha suku Lontas, postu administrativu Loloto’e, munisípiu Bobonaro atu hasa’e produsaun agrikola tamba governu hahú tau ona importansia ba produtu rai-laran.

“Ha’u mai iha ne’e atu hatete ba komunidade suku Lontas atu organiza-an hodi uza rai bokur sira ne’e atu kuda barak liután iha halo produsaun produtu lokál tanba governu hahú halo polítika sosa produtu lokál ne’ebé inklina iha Sesta Bázika,” Governante ne’e hateten, bainhira halo dialogu komunitariu ho komunidade suku Lontas, sesta ne’e.

Notisia Relevante:MAPKOMS sei harii sentru informasaun iha Lontas

Nia dehan Timor-Leste maiória iha rai bokur no poténsia tebes ba produtu agrikola tanba ne’e komunidade sira presiza servisu makas, nune’e labele dependesia liu ba produtu importadu hodi osan hosi fundu petroliferu ne’ebé Parlamentu Nasionál aprova kada tinan bele sirkula de’it iha rai laran.

Governu iha ona programa ida fortifika ho dekretu-lei hodi obriga Ministériu hotu tau atensaun ba produtu lokál 75% hodi redús produtu importadu ba 25%.

“Ita labele fó importansia ba produtu estranjeiru mak bo’ot liu kompara ho rai-laran. Tanba ne’e ita tenke hahú prodús produtu lokál liuhosi uza rai bokur hodi hodi kuda hare, batar, fuak Aifarina no kuda buat hotu,” Governante ne’e enkoraja.

Governu hahú tau prioridade ba produtu rai-laran liuliu menu ba programa Cesta Bazika, Merenda eskolar ba estudante no programa Bolsa da Mae Jerasaun Foun mós fó importansia ba produtu nutritivu sira iha rai laran para dezenvolve labarik sira nia kreximentu isin no kakutak.

Politika Governu

Iha dialogu komunitariu ho komunidade suku Lontas, Ministru Fransisco Jeronimo, partilla programa VIII Governu Konstituisionál lideradu hosi Primeiru Ministru Taur Matan-Ruak, katak hakarak orsamentu hosi fundu petrolíferu ne’e komunidade sira mós tenke hetan benefisiu direta.

“Hau hakarak hatete tinan ida ne’e iha finál fulan-dezembru,komunidade kada uma-kain sei hetan bee turuk hosi osan mina-rai nia $200,atu nune’e povu sente mós osan mina rai nia-turuk to’o iha uma-kain ida-idak” Governante ne’e afirma.

Programa governu ne’ebé komunidade hetan benefisiu direta mak, programa Sesta Bazíka distribui, hasa’e tan subsídiu ba idozu no invalidez hosi $30 ba $50, program Bolsa da Mae Jerasaun Foun hodi fó subsidiu ba inan isin-rua no bebe atu redús má-nutrisaun no taxa mortalidade bai nan no bebe liuhosi hakbiit ekonomia hodi konsumu aihán nutritivu.

Notisia Relevante:Governu realiza jornada orsamentál hodi konkretiza medida Lei GOP 2023

Alende ne’e, iha tinan ne’e, Governu konesege hasa’e tan insentivu ba Xefe suku sira iha territóriu nasionál hosi $140 ba $250, Xefe aldeia hosi $100 ba $150, Konsellu suku $30 sa’e ba $40 kada fulan hodi rekoñese no valoriza lideransa komunitaria sira nia sakrifisíu.

Nune’e, Governu hahú aposta Orsamentu Jerál Estadu (OJE) kada tinan ba programa lubuk ida liuliu dezenvolvimentu infrastrutura hanesan Estrada, ponte, eskola,sentru no postu saúde, sede suku, eletrisidade, bee moos inklui programa sosiál sira.

“Ita nia programa maka ida de’it katak ema mak sai sentru ba dezenvolvimentu, tanba ne’e atividade hotu ne’ebé governu halo aposta hotu deit ba ema atubele atinze dezenvolvimentu ne’ebé ita hotu hein” nia reforsa.

Iha biban hanesan, Xefe suku Lontas, Alipio Belo, afirma área iha poténsia ba koto, batar fehuk, fore-keli, talas inklui kafe no seluk tan ne’ebé komunidade sira sempre prodús kada tinan ho kuantidade bo’ot maibe folin iha merkadu mak ladun di’ak.

“Hau rekomenda ba Governu harii loja povu ba agrikultur atu nune’e bele halo prevensaun ba iha negosiante sira ne’ebé mak hasa’e folin sasan konforme ninia gostu,” nia afirma.

Portantu suku Lontas iha aldeia tolu mak hanesan Tas-Mil, Piron no Ozo ho nia totál populasaun na’in-989 no Xefe de Familía hamutuk 215.

Notisia Relevante:SECoop enkoraja komunidade Lequidoe kuda fali sabraka

Jornalista: Sérgio da Cruz

Editór     :Florencio Miranda Ximenes

iklan
iklan

Leave a Reply

iklan
error: Content is protected !!