iklan

COVALIMA, POLÍTIKA

MOP observa direta komunidade afetadu inundasaun iha Covalima

MOP observa direta komunidade afetadu inundasaun iha Covalima

Ministru Obra Públika, Abel da Silva Pires, akompaña hosi Administradór Munisípiu Covalima no Komandante PNTL Munisípiu Covalima observa komunidade afetadu inundasaun iha aldeia Loro. imajen Tatoli/Celestina Teles.

COVALIMA, 02 jullu   2022 (TATOLI)— Ministru Obra Públika (MOP), Abel da Silva Pires, sábadu ne’e, tun direta hodi halo  observa ba situasaun komunidade ne’ebé  afetadu inundasaun, iha aldeia Loro, suku Suai-Loro, postu administrativu Suai, munisípiu Covalima.

“Inundasaun ida-ne’e problema ne’ebé sériu, ha’u to’o iha ne’e atu haree no buka solusaun, problema ne’e. Tanba bee-dalan laiha nune’e , ha’u foti desizaun loke bee dalan atu bee bele la’o hodi redús inundasaun ba komunidade”, Ministru Abel Pires, hateten ba Agênncia TATOLI iha aldeia Loro, hafoin halo obsevasaun situasaun iha tereñu.

Governante ne’e halo kedan kontaktu ba kompañia atu loke bee-dalan hodi redús inundasaun ba komunidade sira iha área refere.

“Mota konsege sobu estrada hodi difikulta movimentu transporte públiku.ne’ebé tempu besik ita monta manila atubele  fasilita movimentu transporte públiku,” nia akresenta.

Xefe Suku Suai Loro Martinho Mendonça hateten, komunidade ne’ebé afetadu inundasaun iha aldeia Loro hamutuk uma-kain 15.

Uma-kain 130 evakua ba Eskola SJP Suai

Administradór Munisípiu Covalima, Francisco de Andrade, hateten uma-kain afetadu inundasaun hamutuk 130 evakua ona bá salaun Eskola Sekundária Jerál Públika (SJP) Suai.

“Ita evakua ona vítima inundasaun na’in-130, hosi númeru ne’e ema na’in-ida ou rua mak moras no ema ho defisiénsia na’in – rua  bá sentru evakuasaun,”Administradór Munisípiu ne’e informa.

Nia hatutan “Vítima sira ne’ebé  moras , ha’u husu  toba fatin ba Servisu Saúde Munisipál atu lori ba  sentru evakuasaun atu fasilita Sira hodi toba”.

Daudaun ne’e, kompañia Unidade Uni-pesoal, Lda mak fornese ai-han ba vítima inundasaun sira iha sentru evakuasaun.

Dadur 118 reintregra ona ba prizaun Suai

Entretantu, Diretór Estabelesimentu Prizaun suai, Júlio dias Ximenes, informa dadur na’in-118 reintegra hikas ona mai iha  estabelesimentu prizaun suai, hosi aeroportu komandante kay Rala Xanana gusmão.

“Hafoin ita halo evakusaun dadur na’on-118 ba iha aeroportu Kay Rala Xanana Gusmão tanba inudasaun ka bee-tama prizaun, maibé bee tun no maran ona, entaun ita reintegra fali siraba fatin,” Júlio afirma.

Maske, nia dehan reintegra ona dadur sira ba prizaun suai, maibé kuandu udan mai nafatin no hamosu fali inudasaun sei kontinua evakua ba aeroportu Kay Rala Xanana Gusmão.

Prizoneiru sira kompleta vasina doze datoluk

Hafoin reintegra ba Prizaun Suai, Ministra saúde Odete Maria Freita Belo, hamutuk ho ekipa Sentru Intregradu Jestaun vasina Pfizer booster ka doze datoluk ba guarda prizonál no dadur-sira.

“Ha’u akompaña programa vasinasaun ba dadur-sira no guarda prizoneiru sira iha prizaun Suai kompleta hotu ona vasia doze datoluk,” nia akresenta.

Diretór Prizaun covalima Julio Dias Ximenes informa ,dadur no guarda prizonál sira iha prizasaun Covalima kompleta ona vasina booster Pfizer ka doze datoluk.

“ita nia Ministra saúde ho nia ekipa mai halo imunizasaun vasina booster ka doze datoluk ba ita nia dadur no guarda prizonál sira.” Diretor ne’e informa

Tuir dadus katak dadur iha prizaun Suai hamutuk na’in- 118 ho guarda prizonál hamutuk  na’in 39, kompostu hosi feto na’in- haat no mane na’in-35  kompleta ona vasina doze datoluk.

Jornalista: Celestina Teles

Editór     :  Florencio Miranda Ximenes

iklan
iklan

Leave a Reply

iklan
error: Content is protected !!