iklan

BOBONARO, EKONOMIA, HEADLINE, INKLUZAUN SOSIÁL, MUNISÍPIU

DAS Bobonaro sei apoia umanitária ba família vulnerável

DAS Bobonaro sei apoia umanitária ba família vulnerável

Xefe Departamentu Asaun Sosial (DAS) Munisípiu Bobonaro, Amilcar Tavarez. Imajen Tatoli/Sérgio da Cruz.

BOBONARO, 04 jullu 2022 (TATOLI) – Xefe Departamentu Diresaun Asaun Sosiál (DAS) Munisípiu Bobonaro, Almicar Tavarez, fó-sai katak, tempu badak sei apoia umanitária ba família vulnerável iha postu administrativu lima iha munisípiu refere.

Apoia umanitária ne’ebé atu distribui mak hanesan food item komposta hosi foos, mina, ikan-lata, supermi, masin no ai-han sira seluk. Enkuantu non food item mak hanesan bikan, kanuru, taxu, ropa, lona no seluk tán nune’e bele hakmaan família vulnerável sira-nia iha loron balun.

Notísia relevante:Protesaun Sivíl Bobonaro apoia ona vítima dazastre naturál uma-kain 72

“Ita sei fó 192 aldeia, postu administrativu lima, maibé la inklui Maliana, tanba programa ne’e ‘autoridade lokál’ rasik mak alatera tiha, ami sei fó ba vulnerável purvolta 83 no 88 maibé la’ós ba hotu postu administrativu ida, ne’ebé ami sei haree fila-fali dadus ema-ne’ebé merese atu simu,” nia hateten iha salaun administrasaun munisípiu Bobonaro, segunda ne’e.

Makse nune’e, prosesu atu distribui apoia hirak-ne’e iha ona faze konkursu, tanba ne’e husu lideransa komunitária sira iha postu administrativu Atabae, Balibo, Cailaco, Bobonaro no Lolotoe atu koopera ho ekipa DAS hodi nune’e bele halao serbisu ho tranparánsia.

Liuhosi formatu hamutuk ho ezemplu 30 ne’ebé entrega ona ba administradór postu no xefe suku sira atubele rekola dadus loloos hodi identifika família vulnerável ne’ebé presiza duni hetan tulun hosi Governu.

“Maibé labele ‘autoridade lokál’ sira tuur foti fali família lori mai ha’u, depois ha’u ba ema fó tán tua ‘sabu’ ita hemu rame tiha, fahe hotu kedas ida-ne’e, hau sente labele,” nia hateten.

Enkuantu hahú hosi fulan-janeiru to’o juñu tinan 2022, Diresaun Servisu Munisipál Protesaun Sivíl Risku Dezastre (DSMPSRD ) Munisípiu Bobonaro, koordena ho Diresaun Asaun Sosiál, konsege apoia emerjénsia tipu food item  no non food item ba família ne’ebé afetadu dezastre naturál hamutuk uma-kain 72 no dadus rekolla mai hosi postu administrativu Cailaco uma-kain 29, Maliana neen, Bobonaro 14 no Balibo 23.

Notísia relevante:Protesaun Sivíl Bobonaro preparadu projete komunidade hosi risku dezastre naturál

Jornalista   : Sérgio da Cruz

Editór         : Evaristo Soares Martins

iklan
iklan

Leave a Reply

iklan
error: Content is protected !!