DILI, INKLUZAUN SOSIÁL, NASIONÁL

MSSI hetan dezafiu karreta 50 labele kobre atividade sosiál iha munisípiu

MSSI hetan dezafiu karreta 50 labele kobre atividade sosiál iha munisípiu

Kondisaun inundasaun iha Beaço, kinta (30/06). Imajen/Espesiál

DILI, 04 jullu 2022 (TATOLI)—Diretór Dirasaun Adiministrasaun Rekursu Umanu no Lojístiku (DARHL-sigla portugés), Deonísio de Araújo, hateten MSSI nia dezafiu atu transporta sasán apoiu umanitáriu ba atividade sosiál nian tanba MSSI nia karreta 50 no labele kobre muisípiu sira-ne’ebé afetadu dezastre natirál.

“Dezáfiu barak liu mak ba transporte tanba ita ho kerreta 50 de’it labele halo hotu servisu sosiál nian. Tanba, karreta foun ne’ebé mak MSSI iha Patrimóniu Estadu foti hotu tiha no hela 50,” nia dehan ba Agência TATOLI, iha nia knar fatin Caicoli, Dili, segunda ne’e.

Hosi karreta 50 ne’e, nia dehan, inklui ona ho carro vurneráriu 15 ne’ebé mak kobre iha nasionál no karreta eskoltu nian inklui mós karreta seluk ne’e mesak karreta tuan hanesan bemo, rangel, prado, hilux, maibé ne’e bainhira uza ba halo atividade iha terenu sempre falla.

“Ita mós laiha karreta operasionál entaun hirak-ne’e mak prejudika ita-nia planu no programa liga ho asuntu sosiál sira atu implementa iha baze sira. Agoa ne’e ita susar tebes tanba MSSI nia área boot no luan, nune’e ita labele ezekuta tuir loron no oras ne’ebé mak planea tanba karreta la kleur aat no tenke pendente tiha aividade ne’e,” nia dehan.

Karreta Parado ida-ne’ebé mak MSSI uza ba munisípiu Viqueque hodi halo servisu maibé nia aat tiha iha dalan entaun ekipa labale halo kontinua atividade sosiál nian iha terrenu, tanba ho ida-ne’e mak ita halo pedidu ida ba Patrimóniu Estadu atu apoiu transporte maibé ida-ne’e mós uza ba loron tolu no haat de’i.

“Bainhira ita presiza karreta entaun tenke halo pedidu ida mak foin bele apoiu,” nia informa.

Aleinde karreta 50 ne’e uza ba MSSI nian, nia hateten, Institutu Nasionál Segurasa Sosiál (INSS) ho Instituto Direito Defesa das Crianças (INDDICA) mós uza hotu karreta 50 ne’e.

“Ida-ne’e sai problema no difikuldade boot ba ita MSSI tanba asuntu sosiál ne’e liga ba ema-nia moris. Ne’eduni presiza tau matan no apoiu transporte ba MSSI atu bele hala’o atividade, implementa atividde no fó formasaun liga ho planu balun ba asuntu sosiál sira,” nia dehan.

Tanba bainhira halo diskusaun ho lojístiku, sira dehan karreta laiha entaun atividade labele la’o no difikulta atividade hotu-hotu ne’ebé mak MSSI trasa ona.

“Buat ne’ebé ha’u bele halo mak husu karreta ba Patrimóniu Estadu maibé ida-ne’e mós dala ruma haruka mai la kondis ho ita-nia situasaun tanba ita ba terrenu mak fó fali karreta kiik-oan, entaun ita hanoin susar tanba atividade sosiál ne’e ita implementa to’o postu no suku sira,” nia haktuir.

Nia informa, MSSI iha nia dirasaun ualu (8) hanesan Dirasaun Nasionál Re-integrasaun Komunitária (DNRK), Dirasaun Nasionál Asisténsia Sosiál (DNSA), Dirasaun Nasionál Promosaun Direitu ba Ema ho Defisiénsia (DNPDED), Dirasaun Nasionál Administrasaun no Finansa, Dirasaun Administrsaun Rekursu Umanu no Lojistiku, Dirasaun Nasionál Aprovizionementu seluk tan.

Totál funsionáriu iha MSSI iha territóriu nasionál hamutuk 406 no la inklui ho funsionáriu kontratu no voluntáriu no mós eskoltu sira.
Jornalista : Osória Marques

Editór      : Cancio Ximenes

iklan
iklan

Leave a Reply

iklan
error: Content is protected !!